Threefold flame/is

Loga Krists sem er lífsneisti er rótfestur í leyndarhólfi hjarta sona og dætra Guðs og barna Guðs. Hin heilaga þrenning krafts, visku og kærleika sem er birting hins helga elds.

Hinn „guðdómlegi neisti“; einnig kallaður Krists-loginn og frelsisloginn. Þrígreindi loginn er bókstaflega neisti af helgum eldi frá hjarta Guðs sjálfs. Það er snertipunktur sálar þinnar við æðstu uppsprettu alls lífs.

Skúfarnir þrír

Þrígreindi loginn er festur í hinu hulda Leyndarhólfi hjartans (Sanskrít Ananda-Kanda „rót fagnaðarins“). Hann hefur þrjá „skúfa“ sem fela í sér þrjá aðaleiginleika Guðs sem samsvara þrenningunni.

Blái skúfurinn (vinstra megin) felur í sér mátt Guðs og samsvarar föðurnum. Guli skúfurinn (í miðjunni) felur í sér visku Guðs og samsvarar syninum. Rauðguli skúfurinn (hægra megin við þig) táknar kærleika Guðs og samsvarar heilögum anda. Með því að fá aðgang að mætt, visku og kærleika guðdómsins sem eru jarðtengd í þrígreindum loga þínum geturðu uppfyllt tilgang tilveru þinnar.

Þrígreindi loginn, sem samsvarar einnig þrenningu líkama, huga og sálar, uppfyllir þarfir mannsins fyrir krafti til að stjórna líkamanum (með trú og velvilja hins guðlega ásetnings); visku til að næra hugann (með upplýstri og réttri notkun þekkingar á lögmálinu); og kærleika til að uppfylla auðnu sálarinnar í meðvitaðri ytri birtingu (í réttlátri og miskunnsamri hluttekningu sem alltaf fær sína uppfyllingu á einstaklingsbundinn skapandi hátt).

Loginn í hjartanu segir til um hvert þú beinir hinum helga eldi. Það er tækifæri þitt til að verða Kristur. Það er vaxtarbroddur guðdómleika þíns sem bíður þess að blómstra á meðal manna.

Smækkun á þrígreinda loganum

Á gullöld hinna fyrstu þriggja rótarkynþátta áður en maðurinn missti sakleysi sitt var kristalstrengurinn um tveir og sjötíu metrar í þvermál og loginn umlukti sköpulag hans. Orkuuppspretta mannsins var bókstaflega ótakmörkuð og Krists-vitund hans var alltumlykjandi.

Eftir fallið var tækifæri mannsins til að beita frjálsum vilja sínum skert. Með kosmískri tilskipun var þrígreindi loginn minnkaður í einn sextánda úr mm á hæð.

Þörfin fyrir jafnvægi milli skúfanna þriggja

Ójafnvægi – þar sem stórmennska á sér stað í einum þætti hins þrígreinda loga veldur því að hann er ekki í réttu hlutfalli við hina – kemur í veg fyrir að markmiðið um einstaklingsbundna Krists-stjórn náist.

Þegar upplýsingarloginn stækkar innan vitundar þinnar, umvefur hann smám saman veru þína þar til Guð, sem heilög viska, trónir á altari hjarta þíns. En með hverri viskuaukningu verður mátturinn og kærleiksskúfurinn líka að rísa með hollustu þinni; annars viðhelst viskan ekki.

Sömuleiðis verður viskan og kærleikurinn að ná fullkomnu jafnvægi við máttaraukningu. Einnig, kærleikurinn verður aðeins að veruleika með samsvarandi birtingu máttar og visku.

Með því að kannast við að jafnvægi er gullni vegurinn að Krists-verund, verður þú að skilja að það sem þér sjálfum er ekki ljóst getur þú ekki birt ef þú hefur ekki fyrst gert þér grein fyrir því í gegnum þrígreinda logann sem leiðir af ytri og innri reynslu þinni í Guði.

Sjá einnig

Leyndarhólf hjartans

Kort af guðlegu sjálfi þínu

Til frekari upplýsinga

“Þríleikur um þríþættan loga lífsins,” í Mark L. Prophet and Elizabeth Clare Prophet, Saint Germain On Alchemy: Formulas for Self-Transformation, bls. 265–352.

Mark L. Prophet and Elizabeth Clare Prophet, The Science of the Spoken Word, bls. 126–31, 134, 138 fela í sér litmyndir til sjónsköpunar.

Elizabeth Clare Prophet, Hugleiðsla hjartans eftir Saint Germain I & II, hljóðupptökur.

Heimildir

Kuthumi and Djwal Kul, The Human Aura: How to Activate and Energize Your Aura and Chakras.

Mark L. Prophet and Elizabeth Clare Prophet, The Science of the Spoken Word, 18. kafli.