Discipleship/is

Að vera lærisveinn merkir að vera fylgismaður Krists og kenninga Stóra hvíta bræðralagsins; ferlið við að öðlast sjálfsfærni með sjálfsaga í gegnum vígslur tileinkuðum Búddha, heimskennurunum og uppstignu meisturunum.

Vígslustig

Vígslustig lærisveinaþjálfunarinnar og hið lifandi Orð:

(1) Nemi: Í þessum áfanga stundar einstaklingurinn nám, nemur rit og kenningar meistarans. Honum er frjálst að koma og fara í samfélagi hans eins og hann vill, njóta samvistar við fylgjendur hans og ávaxta þjónustulundar þeirra en hann hefur ekki tekið á sign neina sérstaka ábyrgð gagnvart persónu meistarans. Hann hefur ekki strengt nein heit né skuldbundið sig en gæti verið að læra til að „reynast hæfur“ til þess að öðlast viðurkenningu sem þjónn, eða meðþjónn (með öðrum orðum gerast „chela-nemi“) sem tekur þátt í gleðinni sem heimsköllun meistarans veitir.

(2) Lærisveinn (chela-nemi): Einstaklingurinn þráir að stofna til tengsla við meistarann — fá beina kennslu frá meistaranum frekar en í gegnum útgefin skrif hans eingöngu. Lærisveinninn svarar kalli meistarans um að yfirgefa net sín af karmískum flækjum og veraldlegri þrá og fylgja honum: „Komið og fylgið mér, og mun ég láta yður menn veiða.“ Lærisveinninn meðtekur vígslur hins kosmíska Krists í þjónustu sinni við meistarann. Hjarta hans, hugur og sál eru farin að kunna betur að meta og sýna meiri kærleika sem þakklæti fyrir kennsluna sem hann fékk á fyrra námsstigi. Þessi kærleikur er sýndur í verki sem fórnfýsi, ósérhlífni, þjónusta og afsal í hendur Persónu Krists, sólina á bak við Mannsson meistarans; þegar þessu skrefi hefur náð örvun að stigi „þóknanlegrar fórnar“ og chela-neminn er orðinn iðinn við að jafna þrígreindan loga sinn og karma, gæti komið til greina fyrir hann að taka næsta skref.

(3) Vinur: Þeir sem taldir eru til vina meistarans fá boð um að tengjast honum félags- og starfsmannsböndum — „Ég kalla yður ekki framar þjóna ... ég kalla yður vini “ — sem merkir að lærisveinninn tekur að sér aukna ábyrgð á skuldbindingum meistarans sem heimsfrelsari. Vinurinn ber krossinn svo og ljósbyrði meistarans; hann auðsýnir sama vinartraust eins og Abraham á sínum tíma og aðrir chela-nemar sem hafa náð því stigi að skilja meistarann og reynslu hans frá innstu hjartarótum – og veitir huggun og hughreystingu, ráðgjöf og stuðning af tryggð við bæði markmið og persónu meistarans.

(4) Bróðir: Bróðurgráðunni er náð þar sem einingin á milli sambands Guru og chela-nema, Alfa og Ómega er fullkomin í samskiptum á milli tveggja hjarta; gúrúinn hefur í raun gert lærisvein sinn að hluta af sínu eigin holdi og blóði og boðið honum allan kraftinn sem hann hefur öðlast og hluta af möttli sínum og valdi sem lið í undirbúningi meistarans fyrir uppstigningu sinni og lærisveinsins sem tekur við af honum. Þetta einkennir kærleikssambandið á milli Jesú og Jóhannesar hins elskaða, móður hans, Maríu guðsmóður og ef til vill hans eigin bróður (eða frænda) Jakob sem var af holdi og blóði hans.

Kristur eða hinn eini Krists-borni: hinn smurði af hinu holdgerða Orði

Vegur lærisveinaþjálfunarinnar

Að vera tiltækt verkfæri er einn af stóru áföngunum á vegi lærisveinaþjálfunarinnar. Lærisveinninn er sá agaði sem er alltaf tilbúinn.

Kúthúmi segir:

Lærisveinn er sá sem stundar agaþjálfun Guðs-sjálfsins, drottnar yfir og agar hinn ytri persónuleika og sitt eigið hugmyndamynstur, með Guðs-vitund um sjálfan sig sem einstaklingsbundna birtingarmynd ÉG ER SÁ SEM ÉG ER. Þeir sem eru svo lánsamir að hafa valið lærisveinaþjálfun sem lífsstíl hafa þar með valið að þjóna ljósinu. Með því að setja ljósið alltaf í forgang munu þeir komast að því að einn daginn mun ljósið setja þá fremst – í öndvegi Guðs viljans. Þá verður lærisveininum ekkert um megn því það er ekkert mál fyrir meistarann.

Til frekari upplýsinga

Jesus and Kuthumi, Corona Class Lessons: For Those Who Would Teach Men the Way, 25–30. kafli.

Heimildir

Mark L. Prophet and Elizabeth Clare Prophet, Saint Germain On Alchemy: Formulas for Self-Transformation