Afra/is

Uppstigni meistarinn Afra

Afra var fyrsti af svarta kynstofninum til að stíga upp. Fyrir löngu bauð hann Guði nafn og frægð til að styrkja stóra heimsálfu og volduga þjóð. Þegar hann steig upp bað hann um að vera einfaldlega kallaður „bróðir“ (frater á latínu), þess vegna nafnið Afra. Álfan Afríka dregur nafn sitt af Afra og hann er verndari Afríku og svarta kynstofnsins.

Forn saga Afríku

Það voru forn blómaskeið í Afríku þegar hún var hluti af meginlandi Lemúríu, þegar fólkið kom fram úr ljósi hins mikla orsakalíkama hins Mikla guðdómlega stjórnanda. Hinn Mikli guðdómlegi stjórnandi heldur áfram að styrkja guðlegu ráðagerðina fyrir meginland Afríku, alveg eins og hann styður guðlegu áætlunina fyrir afkomendur Afra í Ameríku.

Margir úr svarta kynstofninum hafa stigið upp til himna — þó að frá andlegu sjónarhorni sé ekkert til sem heitir svarti kynstofninn eða hvíti kynstofninn. Á himnum eru meistararnir ekki markaðir af kynþætti sínum eða fyrri trú. Allir kynþættir á jörðu eru komnir fram frá hjarta Guðs undir hinum sjö geislum eða sjö vígslubrautum.

Þeir sem eru af „hvíta“ kynstofninum komu fram til að ná tökum á gula (speki), rauðgula (kærleika) og hvíta (hreinleika) loganum — þar af leiðandi höfum við hinar ýmsu litblöndur og litbrigði húðar þeirra. Þessum kynþáttum var ætlað að færa á altari Guðs gjöf sjálfsstjórnar þeirra á þróunarbraut visku, kærleika og hreinleika. Þeir sem eru af gula kynstofninum, íbúar landsins Chin — eða Kína — þjóna á geisla viskunnar, en þeim sem hafa „rauðlitaða“ húð er ætlað að magna upp rauðgulan loga guðdómlegs kærleika.

Þeir af „svarta“ kynstofninum hafa komið fram á bláa geislanum og fjólubláa geislanum. Í fornri siðmenningu á meginlandi Afríku var húð fólksins í raun með bláum eða fjólubláum lit. Þessir litir koma frá Guði föður og Guðs-móður, Alfa og Ómega, upphafi og endi, fyrsta geisla og sjöunda geisla.

Rétt eins og hver einstaklingur þjónar á tilteknum geisla, þannig hafa einstakar þjóðir einnig köllun sína, eða dharma. Hver þjóð er kölluð af Guði til að sýna ákveðna dyggð og uppfylla ákveðið hlutverk. Fólk það sem nú er þekkt sem svarti kynstofninn var sent til jarðar til að ná tökum á máttareigindum Guðs, vilja hans og trú (á bláa geislanum) og eigindum Guðs frelsis, réttlætis og náðar (á fjólubláa geislanum).

Í gegnum aldirnar frá brottför hans úr aldingarðinum Eden hefur maðurinn reikað frá hárri stöðu sinni og hreinir litir regnbogageislanna endurspeglast hvorki í húðlit né árubliki. Klofningur hefur komið fram með deildu-og drottnaðu aðferðum hinna föllnu. Í stað þess að kynþættirnir taki hver öðrum tveimur höndum sem bróður og systur er sundurlyndi komið fram: einn kynþáttur hneppir annan kynstofn í þrældóm og hin mikla eining allra barna Guðs og eining þeirra í loganum er niðurbrotin.

Fyrri líf Afra í Afríku

Afra var uppi fyrir 500.000 árum þegar komið var að vatnaskilum hjá íbúum þessarar fornu siðmenningar. Fallnir englar sem höfðu ráðist inn á plánetuna Jörð höfðu sundrað fólkinu. Þessir illu englar ætluðu að eyða bláa og fjólubláa kynstofninum. Þeir afskræmdu hina eitt sinn helgu siði og listform þessa fólks og opnuðu dyrnar fyrir særingum, voodoo og svartagaldri. Þeir sköpuðu hatur, hjátrú og valdabaráttu á meðal fólksins.

Þegar fólkið fór að beina athygli sinni frá hinni guðlegu nærveru sinni varð það auðsæranlegra fyrir deildu og drottaðu aðferðum föllnu englanna. Siðmenningin varð sundruð af stríðandi fylkingum ættbálka hennar. Fólkið var að tapa hinni innri andlegu baráttu milli krafta ljóss og myrkurs innra með sér. Bæði innra og ytrs sundurlyndi þess gerði þá ánauðuga þræla undir valdi myrkursins.

Þegar Afra sá neyð fólks síns endurfæddist hann á meðal þeirra til að bjarga því. Í fyrsta lagi benti hann á þann eiginleika sem vantaði sem hann taldi vera Akkilesarhæll þjóðar sinnar. Hann benti á veikleika þess vegna skorts á bræðralagi. Í myndhverfri merkingu fylgdi fólkið fordæmi Kains frekar en að fylgja fordæmi Abels. Þegar Drottinn spurði fólkið í Afra hvort það væri fúst til að láta líf sitt í sölurnar fyrir frændur sína og vini, var svar þess það sama og Kains: "Á ég að gæta bróður míns?" Sá sem afneitar þeirri spurningu er helgaður sjálfshyggju sinni. Hann mun aldrei gæta bróður síns og að lokum mun hinn guðdómlegi neisti innra með honum, hinn þrígreindi logi, deyja.

Afra vissi að margt af fólki hans hafði misst hinn þrígreinda loga sinn, jafnvel jafn margir svartir og hvítir, vegna reiðigirni sinnar, og er enn að missa hann í dag. Hann vissi líka að til að endurheimta þennan loga yrði það að feta braut bræðralagsins. Það varð að hugsa um hvert annað. Eina leiðin sem hann gat kennt því bræðralag var að vera bróðir allra sjálfur. Og fyrir þetta var hann krossfestur af sínu eigin fólki. Hann var Kristur meðal þess en þeir þekktu hann ekki. Það var blindað af valdagræðgi sinni.

Þjónusta hans nú á dögum

Hinn uppstigni meistari Afra talaði um „Völd og hættur þjóðernis“ í Akra, Ghana, árið 1976, og lagði áherslu á einingu sem leiðarstef og að leysa upp ágreining okkar í eldi heilags anda. Hann sagði:

Við erum bræður vegna þess að við erum af sömu móður. Ég er bróðir þinn, ekki drottnari þinn, ekki meistari þinn. Ég er bróðir ykkar á veginum. Ég hef deilt ástríðum ykkar fyrir frelsi. Ég hef deilt með ykkur kreppustundunum þegar þið sáuð óréttlætið, þegar þið báðuð Drottin um réttlæti og Drottinn gaf ykkur hina guðdómlegu áætlun fyrir þessa þjóð og þessa heimsálfu.

Ég hef lifað í hjörtum ykkar í mörg hundruð ár þar sem þið hafið stritað undir byrðum kúgunar sem er sjálfsskaparvíti ykkar og hefur verið þröngvað upp á ykkur utan frá.

Íbúar Afra hafa æðra tækifæri til að læra af hverri siðmenningu og hverri sögu. Þegar efnishyggja nær hámarki, eru aðeins tvær leiðir opnar fyrir siðmenningu: annað hvort efnisleg hnignun og hrörnun vegna sjálfsdekurs eða andleg upphafning í gegnum alkemíska umbreytingu heilags anda.

Í síðari fyrirlestri bað Saint Germain Afra að koma eftirfarandi skilaboðum á framfæri til afkomenda Afra í Ameríku:

Á þessari stundu geta þeir sem kalla sig blökkumenn í Ameríku náð nýjum hæðum í frelsi og frjálsræði. En þetta getur aðeins gerst í gegnum hinn volduga hjartaloga, með skilningi á vígslubraut undir heilögum anda, með því að leggja ykkur sjálf, sál ykkar, fram fyrir altari Guðs og ákalla Drottin um hröðun ljóssins, úthreinsun myrkursins innra með.

Þótt árangur hafi náðst í gegnum borgararéttindahreyfinguna hafa komið áföll. Í mörgum tilvikum var árangurinn aðeins á ytra borði. Eftir að hafa öðlast hann skildi fólkið ekki að það yrði að fara inn í hið innra ljós til að viðhalda honum. Við leitum jafnréttis allra sálna, hver sem ytri „litur“ þeirra er. Við kennum ykkur andlega leið sannra framfara á vígslubrautinni.

Þó að blökkumenn viti það ekki, þá skiljast sífellt leiðir. Þeir verða að velja þennan dag hverjum þeir vilja þjóna – hvort þeir sækist eftir ávinningi efnislegra þæginda og aukinnar velmegunar og hærri launuð störf eða raunverulegan ávinning af eilífu ljósi Sonarins og leið ódauðleikans með öllum áskorunum hans. Í þessu landi allsnægtanna er eðlilegt að allir búist við og búi við góð lífskjör. Það er þegar hinn hái efnislegi mælikvarði afmáir innri þrá eftir æðra ljósinu og æðri leiðinni sem hætta stafar af. Ég segi ykkur að Guð hefur útvalið þetta fólk sem hefur orðið ríkt í anda.

Þið getið ákallað Afra fyrir einingu og til að leysa upp kynþáttaspennu í gegnum sannan skilning á alhliða bræðralagi.

Afra, bróðir ljóssins, eins og allir uppstignir meistarar, hefur sanna auðmýkt. Kúthúmi talaði um auðmýkt Afra:

Þessi risastóra trúfasta sál var einn af hinum óþekktu bræðrum. Svo framarlega sem einstaklingar telja þörf á að hampa sínum eigin dáðum gætu þeir komist að því að þeir eiga í raun ekki samleið með okkur.

Heimildir

Mark L. Prophet and Elizabeth Clare Prophet, The Masters and Their Retreats, sjá “Afra.”