Animal magnetism/is

„Dýrsleg segulmögnun“ er hugtak sem austurríski dulspekingurinn og læknirinn Franz Anton Mesmer (1734–1815) notaði upphaflega til að lýsa orkusviðinu sem umlykur allar lifandi verur og sem hann notaði til að hafa dáleiðandi áhrif á aðra. Reyndar eru allir menn umluktir segulsviði sem ákvarðast af orkutíðni hugsana og tilfinninga og ummerkjum frá fyrri lífum, sem hvorutveggja eru mörkuð í „rafhringnum“ eða hinu „rafræna belti“ hvers lífsstraums.

Við tölum um „hrífandi og aðlaðandi (segulmagnaðan) persónuleika“. Þetta er óáþreifanlegur eiginleiki sem myndast af samsetningu margra flókinna þátta sjálfsins (egósins). Hins vegar er aðeins ein sönn segulmögnun sem er eftirsóknarverð, og það er segulmagn Krists sem er pólstjarna hvers manns. Allt annað er mannlegt glys og glaumur — maya ófullkomleikans sem ætti að takast á við daglega.

Tegundir dýrslegrar segulmögnunar

Til einföldunar höfum við flokkað fjórar tegundir dýrslegs segulmagns. Hver og ein þeirra er gædd mannlegum ófullkomleika sem er opin gátt fyrir uppsöfnuðu fjöldakarma kynþáttarins af sömu gerð sem þær sanka til sín.

„Illkynjað dýrslegt segulmagn“ sem virkar í gegnum undirvitundina, ljósvakalíkamann. Það er illska af yfirlögðu ráði — meðvituð, stýrð illska hinna mörgu afbrigða haturs og öfundar sem leggja grunninn að flestum glæpsamlegum athöfnum.

► Aðalgrein: Fávísleg dýrsleg segulmögnun

„Fávísleg dýrsleg segulmögnum verkar á huglíkamann og birtist í mörgum myndum tregðufullra — hægfara hugsana og athafna, stíflna og sljóleika í starfsemi efnislíkamans, óreiðu og rykþyrlunar í umhverfi manns, tilhneigingar til slysa og almennt að vera úr takti við tilveruna. Fávísleg dýrsleg segulmögnun er andkristur — niðurgangur mannlegrar sköpunar sem stendur gegn útbreiðslu Krists-ljóssins um allan heim. Vandamál tengd vélrænum bilunum og rafmagnsóhöppum má oft rekja til þessarar myndar dýrslegs segulmagns.

„Samúðarfull dýrsleg segulmögnun“ virkar í gegnum geðlíkamann með sveiflutíðni geðsviðsins. Mannleg samúð, afbrigðileg tengsl og aðild sem byggir ekki á Kristi, eru meðal birtingarmynda samúðarfullrar dýrslegrar segulmögnunar. Það er erfiðasta að greina þessa mynd dýrslegrar segulmögnunar og takast á við vegna þess að hún dulbýst alltaf sem einhvers konar mannleg umhyggja, allt frá djúpri ástúð til náungakærleika. Hins vegar, þegar vinátta verður eignarhaldsleg (eigingjörn) og byggist á því hvað einn einstaklingur getur hagnast á öðrum getur hún aldrei leitt til frelsis einstaklingsins og uppstigningar hans í ljósinu.

Fjölskyldulegt aðdráttarafl er ein birtingarmynd dýrslegrar segulmögnunar; hún felur í sér óheilbrigða stjórn yfir öðrum í nafni fjölskyldutengsla. Þetta nafn er oft gefið innrættum tengslum þar sem við látum neikvæðni frá fjölskyldu okkar hafa áhrif á okkur.

Ljúffeng dýrsleg segulmögnun virkar í gegnum líkamann og felur í sér ofneyslu til að fullnægja einu eða fleiri hinna fimm skynfæra. Færni felur í sér jafnvægi á öllum sviðum lífsins. Langvarandi misnotkun á líkamanum, svo sem ofát, afbrigðileg kynferðisleg hegðun og oförvun og notkun skaðlegra örvandi efna eins og áfengis, geðlyfja, fíkniefna og annars óholls dekurs leiðir til sjúkdóma, geðveiki og dauða. Í mörgum tilfellum halda afleiðingarnar áfram nokkur æviskeið í viðbót. Þegar heil samfélög eiga í hlut er lokaniðurstaðan hrakleg.

Slíkar birtingarmyndir skorts á sjálfstjórn benda ekki aðeins til færnisskorts, heldur eru þær einnig syndir gegn heilögum anda, því þær brjóta gegn musteri Guðs og helgi lífskraftsins. Það er á ábyrgð hvers og eins að viðhalda hreinleika lífsstraumsins sem streymir frá ÉG ER-nærverunni allan sólarhringinn. Í þessu skyni voru fjórir lægri líkamarnir skapaðir, og til þess að maðurinn gæti unnið sigur sinn í efnisheiminum. Yfirráð yfir fjórum lægri líkömum eru yfirráð yfir fjórum náttúruöflum (ljósvaka—eldi; hugrænu—lofti; geðrænu—vatni; efnislegri—jörð).

Heimildir

Mark L. Prophet and Elizabeth Clare Prophet, Paths of Light and Darkness.