Illuminati/is

Adam Weishaupt, stofnandi Illuminati-reglunnar í Bæjaralandi

Hluti af greinasafni um Hið falska helgivald

---

   Megingreinar    Falska helgivaldið Fallnir englar Andkristur

---

   Einstakir fallnir englar    Belsebúb Varmennið Belía Lúsífer Samael Satan Höggormurinn ————— Peshú Alga

---

   Flokkur fallinna engla    Nefilím (Risarnir) Verðirnir Lúsíferar Höggormar Djöfladýrkendur Djöflar Synir varmennisins Belía

---

   Greinar af hinu falska bræðralagi    Illúmínati Hið indverska svartbræðralag Bræðralag hins svarta hrafns Falskir gúrúar  

Illuminati-reglan var leynifélag stofnað í Bæjaralandi 1. maí 1776 af Adam Weishaupt (1748–1830), prófessor í kirkjurétti við háskólann í Ingolstadt í Þýskalandi og fyrrverandi jesúíta. Þessi regla, upphaflega kölluð Fullkomnunarfélagið, var skipt í flókið kerfi stigskiptra stétta og vígslustiga. Félagar héldu ströngum eiðum um þagnarskyldu og hlýðni við yfirboðara, með leynilegum játningum og gagnkvæmu eftirliti.

Á hátindi sínum starfaði Illuminati-reglan víða í Evrópu. Sagt er að raunverulegt markmið Weishaupts – sem var falið fyrir nýliðum í ytri hringjum hópsins – hafi verið að skipta út kristni fyrir tilbeiðslu skynseminnar og koma á fót heimsstjórn þar sem Illuminati-reglan myndi stjórna heiminum. Félagsskapurinn var bannaður með tilskipun frá stjórn Bæjaralands árið 1785, þó sumir haldi því fram að reglan og/eða hugsjónir hennar og aðferðir hafi lifað áfram.

Uppruni

Þegar karl og kona hafa hafnað andlega veginum – bæði kennaranum og kenningunni – er tilvera þeirra færð niður á svið tíma og rúms. Þar hafa föllnu englarnir sem fylgja leiðtoganum sem kallar sig Hinn upplýsta látið náttúruna og náttúruvættaríkið í efninu sæta hrokafullri og vísvitandi misnotkun á krónuorkustöðinni.

Lúsífer valdi þennan titil sem hina hinstu afbökun á visku annars geislans og ljósi Guðs föður og Guðs móður. Þeir sem fylgdu honum eftir í að sölsa undir sig máttaröfl móðurgyðjunnar sem notast til upplýstra athafna kölluðu sig „Illúminista“ ("Hina upplýstu"). Og í aldanna rás hafa innri og ytri skipanir þeirra sem hafa skapað villuveginn verið þekktar sem „Illuminati“.

Markmið Illuminati-reglunnar

Illuministar hafa í þúsundir ára kennt heimspeki vísindalegrar mannhyggju (húmanisma). Þetta er kenningin um að maðurinn hafi yfirburði í greind og að hann geti náð markmiðum sínum með greind einni saman. Vísindalegir húmanistar leitast við að ná yfirráðum yfir efnissviðinu; markmið þeirra er að gera manninn hafinn yfir náttúruna og Guð náttúrunnar. Hann hefur enga þörf fyrir Guð sem skynjast utan vitundar hans, því hann er guð í sjálfu sér, út af fyrir sig.

Á ferli Illuministanna sem markast af því að ráðskast með mannkynið hafa þeir (sem hafa sett sig á stall andlegra meistara (gúrúa)) lagt harðræðislegt stærilæti sitt og hroka á sjálbirgingslega fallna karla og konur.

Illuministar, sem unnu með satanistum og ákveðnum regluverkum dulspekinnar sem studd voru af hinu falska stigveldi, tókst að ráðast inn á valdsvið þeirra sona og dætra Guðs sem lengst voru komin á þroskabrautinni sem gegndu stöðum sínum í konungshöllum Evrópu samkvæmt því sem kallað hefur verið guðlegur réttur konunga.

Réttur sona og dætra til að ríkja var eðlileg stigveldisskipan frá gullöld Lemúríu og Atlantis. En eftir að hafa tekist að spilla hinum konungsbornu og ættarveldi þeirra með því að smeygja sér inn í virðingarröð ljósberanna með sínum eigin líkum, urðu Illuministarnir að frjálshyggjumönnum, föllnu englunum sem nýttu sér stöðu sína innan konungsfjölskyldnanna til fulls sér til framdráttar.

Hvort sem það var með víxlgiftingum eða með fjárbruðli, þá eyddu Illuministarnir konungsættinni sem átti bæði andlegar og efnislegar rætur sínar að rekja til húss Davíðs og hinna tólf ættkvísla Ísraels.

Illuminati-reglan og franska byltingin

Í Frakklandi svertu svo innstu hringir Illuminista-reglunnar konungsveldið með eigin gjörðum að þeim tókst að stefna fólkinu gegn konungi og drottningunni. Blóðbað sem fylgdi í kjölfarið og ógnarstjórn Robespierre leiddi til aftaka bæði sona og dætra Guðs sem höfðu stjórnarrétt og einnig fylgisveina Illuministanna.

Þeir sem skipulögðu samsærið í frönsku byltingunni létu sig engu varða að þúsundir manna þeirra væri fórnað til að efla málstað vitsmunalegrar mannhyggju. Innsti kjarni Illuminista telur að þeir sem fylla ytri raðir hinnar myrku mandala megi missa sín og að tilgangurinn helgi alltaf meðalið.

Þannig nota þeir börn ljóssins og mannkynið almennt til að gera uppreisn gegn hinni rótgrónu skipan sona og dætra Guðs og helgiveldi ljóssins. Þegar félagar þeirra hafa hreiðrað algerlega um sig innan þessara stofnana, á þeirri stund þegar bylting er yfirvofandi, draga máttarstólpar Illuminista sig í hlé frá vettvangi. Þá eru þeir sem eru í sömu stöðu á vegi ljóss og myrkurs grafnir í sömu hópgröf.

Þannig voru höfuðin sem fengu að fjúka við fallöxina bæði afkomendur Krists og afkomendur hins illa. Það mátti einu gilda. Markmiðið með fallexinni á hverri öld er að víkka hring guðlausra stjórnvalda af hálfu vitsmunakjarnans — Illuministanna.

Frakkar frelsuðu sig undan harðstjórnaroki, en því miður lögðu þeir fljótlega á sig annað enn stærra ok: karma uppreisnar gegn helgum reglum, sem brýtur í bága við hið fremsta lögmál himinsins. Þegar maðurinn verður lögmál sjálfs sín, snýst frelsisleiðin í andhverfu sína, eins og börn Ísraels eru dæmi um, þá dæmir hann sig til endalausrar eyðimerkurgöngu án himneskrar náðar. Þá getur aðeins hluttekningarsamur spámaður, eins og Móse eða Saint Germain, frelsað hann.

Þetta hefur gengið öldum saman og samt hafa börn Guðs og meirihluti mannkyns ekki skynjað hið mikla samsæri hins falska stigveldis. Misbrestur þeirra að greina hið rétta hefur uppfyllt spádóminn „Þar sem engar vitranir eru týnir fólk áttum.“

Viðvarandi samsæri

Syklópea útskýrir að samsæri Illuminati-reglunnar sé viðvarandi á innri sviðum.

Ég kem til að segja ykkur að samsæri Illumati-reglunnar er veruleiki frá geðsviðinu (astral sviðinu), frá hinum föllnu sem hafa samantekin ráð um hina nýju heimsskipan sína í gegnum aldirnar allt frá því að hin mikla uppreisn átti sér stað með falli Lúsífera. Frá þeirri stundu ákváðu ráð hinna föllnu að leggja undir sig jörðina, svipta karl og konu réttmætri arfleifð sinni með því að ná yfirráðum yfir jörðinni og setja fram hið falska stigveldi og hina fölsku ráðagerð.

Og þess vegna segi ég ykkur að þeir sem eru hluti Illuminati-reglunnar, þeir sjá sjálfa sig sem þá sem eru kallaðir og skipaðir til að koma á fót nýrri skipan heimsmála. Og rétt eins og þið sjáið í þessu merki og tákni Stóra hvíta bræðralagsins [hyrningarsteins píramídans] fyrirheitið um komu sjöunda geisla Saint Germains, svo eru hinir föllnu jafn vissir um að tíminn sé í nánd þegar hin nýja skipan þeirra um heimsveldi innan hagkerfisins og í stjórnum þjóðanna, sem heimsstjórn, verður augljós veruleiki.

Sjá einnig

Lúsífer

Lúsíferar

Til frekari upplýsinga

John Robison, Proofs of a Conspiracy (1798; reprint ed., Los Angeles: Western Islands, 1967).

G. Edward Griffin, The Capitalist Conspiracy (Thousand Oaks, Calif.: American Media, 1971).

https://is.wikipedia.org/wiki/Illuminati

Heimildir

Archangel Gabriel, Mysteries of the Holy Grail.

Mark L. Prophet and Elizabeth Clare Prophet, The Path of Self-Transformation.