Avatar/is

[Sanskrít Avatāra „stíga niður“, dregið af avatarati „hann stígur niður“, frá ava- „í burtu“ + tarati „hann fer yfir“] Holdtekja Orðsins; niðurstig eða yfirferð Alheims-Krists frá andasviði til efnissviðs.

Alfræðiorðabók um austurlenska heimspeki og trúarbrögð skilgreinir avatar sem

holdtekju guðlegrar vitundar á jörðinni. avatara fæðist ekki sem afleiðing af karma (eins og venjulegar mannverur) heldur af frjálsum vilja. Slíkur maður er meðvitaður um guðlega köllun sína allt sitt líf. Hann birtist [á erfiðleikatímum] til að koma á nýjum leiðum til trúarlegrar raunbirtingar og aðlaga þær að því tímabili sem hann fæðist á.

Avatar á nýjum tíma

Avatar á nýjum tíma er Kristur, holdgun sonar Guðs (Vishnú), önnur persóna þrenningarinnar. Avatarinn, með guðlegu uppfyllingu sinni, Shaktí, eða tvíburaloga, „útmálar“ og „útspilar“ í vitund sinni og í fjórum lægri líkömununum frumímynd (archetypal pattern) Guðs föður og móður fyrir þróun sálna í tveggja þúsund ára hringrás.

Helstu avatarar aldarinnar eru tveir talsins – karlkyns og kvenkyns frumgerðir sem tákna og sýna með fordæmi sínu vígslubraut sem helgivöld sólarinnar tilgreina. Þau eru í forsvari fyrir lífsbylgjur sem færast í átt að kjarna Alheims-Krists í gegnum opnar dyr (kennarans og kenningarinnar) þessarar tveggja þúsund ára sáttmála. Samkvæmt karma mannkyns, þróunarstöðu barna Guðs (sálarframfarir þeirra eða skortur á henni í fyrri sáttmálum), og kröfum Lógosins, geta Manúar tilnefnt fjölmarga Krists-borna menn – þá sem gæddir eru stórkostlegu ljósi — að fara fram sem heimskennarar og brautryðjendur.

Hinir Krists-bornu sýna á tilteknu tímabili lögmál Lógosins, stiglækkað fyrir milligöngu Manúsins og avatarana uns það er orðið hold með þeirra eigin Orði og verki — uns þeir verða að lokum sigursælir í uppfyllingu Orðsins í öllum sálum ljóssins sem sendar voru til að sigrast á tíma og rúmi á því tímaskeiði.

Koma avatars

Hermes Trismegistus hefur sagt:

Jörðin hefur ekki verið án avataranna. En þetta er stund mikilla umskipta og mikilla krafna þar sem þeir sem hafa síendurtekið verið viðtakendur, eins og þið, nærveru og friðar, sáttar og uppljómunar slíkra eins og við, verða nú að taka við kyndlinum til að vera og verða allt það sem þið hafið orðið vitni að með komu Adams Kadmon í mörg hundruð þúsund ár á jörðu. Þar með má enginn nýr avatara stíga niður nema það sé segulmagn á jörðu hinnar innri gullgerðarlistar andans í þeim sem eru fornu sálirnar sem hafa snúið aftur og aftur.

Það er kominn tími til umskipta með hinni mikla gullgerðarlist lífsins. Það er kominn tími fyrir að endurskinslaugar margra sálna endurspegli fyllingu andans. Það er kominn tími til að syngja söng Hermes Trismegistus af öllum kröftum innra með sér, taka í notkun öll vígslutáknin, styrkja viljann. Syngið sálm sólarinnar með ykkar vilja og verðið sonurinn! Með skilningi, en ekki rangsnúningi eða fáfræði, staðfestið endurnýjandi lögmál tilverunnar og verið þess vitandi að eigi endurnýjun sér ekki stað hér og nú getur ekki orðið endurnýjun í annarri tilveru.

Avatar vatnsberaaldarinnar

Saint Germain hefur sagt:

Og þess vegna ER ÉG Saint Germain, boðberi Sanat Kúmara fyrir vatnsberaöldina. Þess vegna ER ÉG Saint Germain, avatara þessarar aldar, sem vígir allt fólk ljóssins á vegi umbreytingarinnar, á leið hins helga elds heilags anda, sem kallar sannarlega til dómsins og hins aleyðandi elds sem mun sannarlega valda mestu breytingum í sögu þessarar plánetu sem hafa verið þekktar frá upphafi hennar í huga Guðs!

Heimildir

Mark L. Prophet and Elizabeth Clare Prophet, Saint Germain On Alchemy: Formulas for Self-Transformation.

Pearls of Wisdom, 38. bindi, nr. 6, 5. febrúar, 1995, lokaorð.