Purity and Astrea/is

Hreinleiki og Astrea eru elóhímar fjórða geisla (hins hvíta geisla) hreinleikans, fullkomnunar, vonarinnar og heilleikans. Það er logi Guðs-móðurinnar og logi uppstigningarinnar — löngunin til að þekkja og vera Guð í hreinleika líkama, huga og sálar í gegnum vitund Guðs-móðurinnar sem nær yfir náttúrulögmálin sem stjórna allri birtingu á jörðinni.

Hreinleiki geymir hið guðlega mynstur fullkomnunar Krists fyrir allt sem er í birtingarmynd og beinist að hvíta eldinum sem er í hjarta hverrar sólar og frumeindar – hið hreina hvíta ljós þaðan sem „geislarnir“, eða þættirnir, sjö streyma út af Krists-vitundinni. Blár er talinn hinn kvenlægi þáttur hvíta litarins vegna þess að hvítur eldur hreinleikans rennur yfir í bláan á efnissviðinu.

Þannig vinnur Astrea, hin kvenlæga samfella og uppfylling (maki) Hreinleika, allan sólarhringinn og mundar hinum kosmíska hring og sverði bláa logans til að frelsa börn Guðs-móðurinnar frá öllu því sem stendur í vegi fyrir fullnustu hinnar guðlegu ráðagerðar sem er í hjarta Hreinleika. Astrea er persónugert hugarfósturs hindúa um gyðjuna Kalí, „djöflabanann“.

Hringur og sverð Astrea

Þið getið gert hring og sverð bláa logans hentug í lífi ykkar eins og Jesús Kristur gerði til að reka út illa anda úr sveini — þann sem lá á jörðinni og froðufelldi sem lærisveinarnir gátu ekki læknað. Eins og Astrea hefur útskýrt:

Lærisveinarnir höfðu reynt, aftur og aftur, að reka djöfulinn úr þeim sveini og ég segi ykkur að þeir lögðu sig fram til hins ýtrasta. En þá skorti trúna og þá skorti þekkingu á ljósinu á áttundarsviði okkar. Ef kosmíski hringurinn minn og hið bláa logasverð hefði verið kallað fram í kringum þennan svein af einhverjum þessara lærisveina hefðu þeir komist að því að þessi púki hefði hypjað sig á svipstundu ... Þetta er kraftur ljóssins sem Jesús sjálfur kallaði fram. Hann kallaði fram þessa orku bláa logans og hún uppfyllti strax þá forsjón sem Guð ætlaði honum.

Hringurinn úr bláum eldi sem kallaður er fram úr hjarta Astreu er töfrandi bláhvítur eldur sem sveiflast sem tveir sammiðja eldhringir — blámi Astreu, hinn hvíti litur Hreinleika — þar sem verður víxlverkun á tíðnisviðum á svo miklum hraða að þau birtast og virka sem bláhvítar eldingar sem leiftra um sálir, plánetur, sólkerfi, vetrarbrautir — hvar sem þörf er á að styrkja vilja Guðs með hinu guðdómlega forsniði sem geymd er í hinum hvíta eldkjarna verundarinnar.

Hvenær og hvar sem er ósátt og ósamlyndi í hvaða formi sem er, í hvaða þáttum sem er, ættuð þið að kalla í nafni Krists til elóhimsins Astreu: „Læstu kosmíska hringinn þinn og sverð bláa logans utan um orsök og kjarna þessa ástands. Sjáið síðan fyrir ykkur þennan hring hins helga elds læsa sig í kringum einstaklinginn í mittisstað, í kringum heila hópa, í kringum byggingar, í kringum heilu borgirnar, ríki, þjóðir og jafnvel í kringum jörðina við miðbaug. Sjáið þetta í huganum sem hring úr ljómandi safír og demant leiftrandi eldi — reglulegir, næstum rúmfræðilegir logar hans skera í burtu, eins og keðjusög, lög eftir lög af sundurlyndi og þyngslum. Sjáið síðan fyrir ykkur sverð bláa logans sem bláa eldsúlu sem er hornrétt á hring bláa logans brjóta myrkrið á bak aftur, splundra kraftsvið sjúkdóma, rotnunar og dauða. Og umfram allt, sjáið þennan elóhím standa yfir hverjum einstaklingi sem þið biðjið fyrir og haldið á bláu logasverði tveimur þumlungum frá hryggnum og samsíða honum.

Þetta er aðgerðin þar sem elóhíminn afmagnar verund og vitund einstaklingsins af öllum andguðlegum, andkristilegum og óandlegum birtingarmyndum, öllum ískyggilegum aðgerðum fallinna sálna og höggormslegum orkstraumum holdshyggjunnar. Hvenær og hvar sem þið kallið á hring og sverð bláa logans frá hjarta Hreinleika og Astreu get ég fullvissað ykkur um að uppsafnaður kraftur kosmísks skriðþunga er í verki.

Árið 1973 sagði Astrea:

Sá hringur, notaður ásamt sverði mínu, er hið sérstaka móteitur gegn hvers kyns annarlegu mennsku vitundarástandi, sérhverju myrkraverki. ... Þegar þið ákallið nafn Jesú Krists til að binda þá þætti sem hneppa vitundina í ánauð sérhvers slæms ávana og sjálfshyggju, þá er hersveitum Astreu ásamt hersveitum Krists að mæta. ...

Ef það er einhver ástæða fyrir því að þið takið ekki framförum á veginum eða eitthvað heldur aftur af ykkur, þá vantar að snúa sér til hjarta Guðs, hjarta Krists og hjarta elóhíms fjórða geislans.

Ef þið ákölluðuð mig í gær og þið eigið í vandræðum í dag skuluð þið viðurkenna að þið verðið að kalla veru mína til verka á sólarhrings fresti til að létta af ykkur þeim aðskotahlutum og óværu sem vitund ykkar hefur ánetjast með misnotkun lyfja, áfengis, reykinga og hvers kyns holdlegra ávana. ...

Í valdi Alfa og Omega segi ég ykkur, þegar þið viljið íhuga virkni hringsins og sverð bláa logans, hugleiðið þá Konsert í a-moll eftir Grieg. ... Því að hann hefur samhljóm við virkni hringsins og sverð bláa logans; og þið getið heyrt niðurskerandi taktinn í hringnum þar sem hann þyrlast um fjóra lægri líkama ykkar, þéttar og þéttar um kjarna tilverunnar uns segulkrafturinn að utan, segulkrafturinn að innan varpar í eldinn þessu vitundarástandi sem stendur í uppreisn gegn almætti Guðs.

Astrea hvetur okkur til að gefa möntrufyrirmæli sín fyrir hönd ástvina sem eru íþyngd af hvers kyns fíkn. Árið 1991 sagði hún:

Sjáið hvernig hægt er að skera þann ástvin lausan og halda honum lausum og hvernig sá mun snúa sér aftur til verðugleika barns ljóssins og finna hlutverk sitt áður en það er um seinan. ...

Ef þið mynduð vilja halda bænavöku fyrir ástvin eða fjölda ástvina, megið þið vita að kraftur hringsins og sverðs bláa logans virkar þegar þið biðjið fyrir þeim á hverjum degi og fyrir hvert annað barn Guðs á þessari plánetu sem er í sams konar ánauð!

Ég, Astrea, gef ykkur þetta tilboð: Biðjið fyrir ástvinum ykkar og setjið eins margar ljósmyndir [af þeim] og þið viljið á altarið ykkar. Og þegar þið biðjið fyrir þeim, biðjið líka fyrir öllum öðrum á þessari plánetu sem Astrea getur frelsað. ... Megi rödd ykkar tjá hið talaða Orð sem þarfnast. ... Ein bæn, elskurnar mínar, heimilar okkur að hjálpa milljónum sálna.

Þetta er öflugt loforð frá voldugri kosmískri veru.

Astrea gaf einnig aðra forskrift að sigri. Hún sagði:

Gleymið því ekki að hvenær sem er dags eða nætur þegar að skuldadögum kemur, þegar eldar krossfestingarinnar leika um ykkur, megið þið vera fullviss um að þið getið borið sigur úr býtum ef þið ávarpið hinn almáttuga samstundis, ef þið ávarpið Jesú Krist, heilagan anda og hina guðdómlegu móður. Og kallið síðan til hins volduga elóhíms, kallið til Astreu, til að beita hringi og sverði bláa logans í kringum orsök og kjarna alls sem stendur gegn guðlegri sjálfsmynd ykkar.

Ef þið gerið það mun ég lofa ykkur því að þið munuð ekki falla á einu einasta prófi á lífsbrautinni. ... Svo munuð þið hafa sigur fyrir blóð lambsins, sem er hinn andlegi kjarni, sjálft líf Jesú og sérhvers uppstigins avatars. Og þessi andlegi kjarni mun renna saman við kall ykkar og vilja ykkar sem voldugur hringur úr bláum loga.

Athvarf

► Aðalgrein: Athvarf Hreinleika og Astreu

Athvarf Hreinleika og Astreu er í ljóvakaríkinu uppi yfir Archangelflóa, við suðausturarm Hvítahafsins, Rússlandi. Athvarfið beinir orkustraumum til mænurótaorkustöðvar plánetunnar. Ljósvakabeinirinn sker í gegnum efnissviðið á nálægum sviðum. Hersveitir hins hvíta elds og blárra eldinga þjóna með Hreinleika og Astreu og safnast saman á hverjum stað á jörðinni sem svar við ákalli um hjálp í nafni hinnar voldugu ÉG ER-nærveru ykkar.

Sjá einnig

Elóhím

Heimildir

Mark L. Prophet and Elizabeth Clare Prophet, The Masters and Their Retreats, sjá “Purity and Astrea”.