Cyclopea and Virginia/is

Syklópea og Virginía eru elóhímar fimmta geisla (hins græna geisla) sannleikans, lækninga, stöðugleika og löngunarinnar til að kalla fram gnægð Guðs í gegnum flekklausa ímynd hinnar heilögu meyjar. Þessir tvíburalogar beina hinu Alsjáandi auga Guðs að því að halda vísindunum tærum sem kalla fram sköpun í hvers konar mynd og aðstoða mannkynið og náttúranda við að kalla fram og birta gnægtir Guðs-andans í efnisveruleikanum.

Hið Alsjáandi auga Guðs

Syklópea er elóhím hugsýnarinnar og alheimsvitund hans veitir hugsýn skaparans sálarfyllingu. Sköpun byggist á hugsýn Guðs. Syklópea hefur framtíðarsýn fyrir allt lífið og því er hann þekktur sem Alsjáandi auga Guðs. Hann veitir leiðsögn í því að ná tökum á þriðja auganu og gefur krafta sína fyrir hugsýnina um frelsi lífsbylgna og plánetuheima eins og jarðar, Venusar, Mars og ótal annarra hnatta handan við sólkerfi okkar og vetrarbraut.

Jakob postuli sagði: „Sá maður, tvílyndur og reikull á öllum vegum sínum, má eigi ætla, að hann fái nokkuð hjá Drottni.“ Jesús sagði: „Augað er lampi líkamans. Sé auga þitt heilt, mun allur líkami þinn bjartur.“ Syklópea og Virginía leggja áherslu á hreinleika heillrar sjónar, sem glataðist þegar mannkynið neytti ávaxtar af skilningstré góðs og ills. Í gegnum brennidepil hins Alsjáandi auga Guðs í þriðja auga-orkustöðinni í miðju enni hvers og eins, geisla þeir sannleika hinnar upprunalegu guðlegu áætlunar í gegnum einstakan grænan loga sem gefur frá sér sjö litageisla elóhímanna. Hann beinist að hreinleikanum sem göfgar manninn í gegnum vafning hermesarstafsins, sem, þegar hann er hækkaður og festur í enni, er tákn vængjaðs sigurs hans og endurkomu hans til heilleika.

Þjónusta þeirra

Syklópea, sem skipar sess á meðal hinna tólf sólarhelgivalda tekur stöðu á tíundu línu sólarskífunnar fyrir hönd þróunar þessa sólkerfis, sem táknar stigveldi sporðdrekamerkisins og kennir rétta notkun sköpunarorkunnar. Syklópea á aðaild að Karmíska ráðinu, þar sem hann er fulltrúi fyrir fjórða geisla hreinleikans.

Hann og Virginía eru einnig þekkt sem elóhímar tónlistarinnar eða guð og gyðja tónlistarinnar. Í gegnum tónlist sviðanna stjórna þau starfsemi máls, heyrnar og sjónar, og beina geislum og helgun sinni að þróuninni í umsjá þeirra. Þau eru kosmískir verndarar tónlistar sem sjá um að gefa út tónlist sviðanna í gegnum karl- og kvenlæga geisla Alfa og Ómega. Þessir stórkostlegu guðlegu logar hafa lengi þjónað þessu hlutverki fyrir hönd þróunar margra heimskerfa.

Syklópea og Virginía standa vörð um meyjarvitundina. Meðan á ráðstefnunni stendur á hverju hálfs árs tímaskeiði í Royal Teton athvarfinu, lýstur Syklópea bláum eldhnöttum út í andrúmsloft jarðar sem beinast í gegnum hið Alsjáandi auga [Guðs] við norðurenda helgidómsins. Þessar eldkúlur, með tilheyrandi ljósgeislum, hlaða jörðina með vilja Guðs í verki og hreinleika guðlegrar ímyndar hvers karls, konu og barns á jörðinni. Virkni bláu eldinganna brjóta niður mennskt hrat og ryðja brautina fyrir kristalsloga hreinleikans og smaragðsgeislans, sem eru græðandi möntrur frá hjarta Syklópea og Virginíu, sem hreinsa fjóra lægri líkama þeirra lífsstrauma sem þau þjóna.

Máttur viskunnar

Syklópea segir að ef við myndum vera opnari fyrir „tengslunum“ á milli englahersveita og elóhímanna, milli kosmískra meistara og uppstiginna meistara og milli andlegra nema um allan heim, „mynduð þið finna fyrir mikilli úthellingu andlegrar aðstoðar sem stígi niður frá hæðum sem hin fullkomnasta vísbending um að á hverri stundu væri mönnum kleift að öðlast andlega fágun ... ámóta og hinn uppstigni meistari Saint Germain fyrir uppstigningu sína.”

Þess vegna, „í nafni hins helaga frelsis lát kraft innri sýnar magnast. Lát kraft ljóss Guðs innra með vera geislandi ljóm1 sem virkar sem stunguverð ... og opinbera leiðina í átt að óendanlegu meistarastigi sem er að finna í ykkar eigin Guðs nærveru, ÉG ER."

Elóhímarnir leggja áherslu á að „þið verðið að vera sama sinnis og ykkar ástfólgni Saint Germain — að sigur Guðs sé kosmískur veruleiki ... sem víkkar geislandi mátt sinn frá altari hjarta ykkar ... inn í heim efnisformsins. ... Kraftur umbreytandi hugsýnar verður því að vera öllum kunnugur“ þannig að „krafturinn sem streymir fram í gegnum manninn muni einnig ná til náttúruveranna. ... Kraft andlegrar hugsýnar er hægt að yfirfæra til þeirra því að þær eru miklar eftirhermur og hafa hingað til líkt eftir röngum hugsýnum mannkyninu, skapað þyrna og þistla sem birtast í vitundinni.“

Árið 1997 kom Syklópea fram með ívilnun til að hjálpa okkur að uppfylla guðlega ráðagerð okkar: „Úr hinu hvíta ljósi skapa ég hughrif,“ sagði hann, „sem ég innræti hverri sál Guðs sem hefur umbreytt ákveðnu magni af karma sínu. Þið sem hafið náð því ákveðna stigi ... munuð fá frá mér, svo framarlega sem þið kallið til mín á hverjum degi, aðstoð við að tjá guðlega frumdrætti ykkar í smáu sem stóru, á plánetusviði og á heimssviði.“

Ef þið voruð ekki viðstödd þann fyrirlestur eða þið höfðuð ekki enn umbreytt tilskildu karmamagni getið þið beðið Syklópea að blessa ykkur núna á þessari stundu. Þið getið beðið hann um að blessa ykkur með þessum hughrifum og aðstoða ykkur við að birta „guðlega frumdrætti“ ykkar.

Syklópea hélt áfram og sagði að „á ákveðinni stundu á hinni andlegu vegferð verður hver chela-nemi að virkja og gera tilkall til guðlegrar hugsýnar sem hans eigin. Syklópea sagði að þið gætuð helgað ykkur möntrufyrirmæli hans og önnur smaragðsgeisla-möntrufyrirmæli til hans, og hann mun styrkja ykkur og „sýna ykkur hin víðtæku vísindi Guðs, jafnvel vísindin um ykkar eigin uppstigningu í ljósinu."

Elóhímarnir Syklópea og Virginía vilja að við einbeitum okkur að guðlegum frumdráttum okkar sem og eftirfarandi málefnum: lækningu þjóðanna, hagkerfa þeirra og íbúa; stöðvun misnotkunar á tónlist, vísindum og tækni, þar með talið misnotkun á erfðatækni og klónun; og vinna gegn sýklahernaði og útbreiðslu skaðlegra vírusa og örvera.

Athvarf

► Aðalgrein: Athvarf Syklópeu og Virginíu

Ára Syklópea er græn með endurspeglun ljósstrendings Krists-vitundarinnar sem líkist því hvernig kristall virkar. Ára Virginíu er græn með hvítum litblæ. Athvarf þeirra er í ljósvakaríkinu hátt uppi yfir Altai-fjallgarðinum þar sem Mongólía, Kína og Rússland mætast, nálægt Tabún Bogdó.

Sjá einnig

Elóhím

Hið þögla vitni

Heimildir

Mark L. Prophet and Elizabeth Clare Prophet, The Masters and Their Retreats, sjá “Cyclopea and Virginia.”