Alphas/is

Hvað Alfas varðar er stærsta viðfangsefnið og köllunin í lífinu og mesti heiðurinn fólginn í því að vera dyravörður Royal Teton athvarfsins. Þetta stórkostlega athvarf er helsta athvarf Stóra Hvíta bræðralagsins á meginlandi Norður-Ameríku. Þúsundir lífsstrauma ferðast þangað frá öllum heimshornum á meðan líkamar þeirra sofa á nóttunni til að vera viðstaddir í þessu athvarfi. Alfas er því viðmið allra sem koma að þessu athvarfi. Hann er þarna til að heilsa ykkur þegar þið komið. Þegar þið sjáið Alfas vitið þig að þið eruð komin á áfangastað.

Sadkíel erkiengill vísar til hlutverks Alfas sem dyravarðar:

Ástfólginn Alfas opnar nú dyrnar, stendur tilbúinn til að hleypa hverjum og einum inn. Þið þurfið ekki annað en að fara með áköllin, hjartans vinir, þegar þið gangið til náða til að bregða ykkur í hjúp ljósvakalíkamans, að komast inn í huga Krists og taka á móti verndarenglunum. Megið þið varðveita allt í æðri huganum [sem þið verðið ásklynja] og megi Krists-sjálf ykkar færa ykkur ákveðna stefnu og þekkingu á ákvörðunum sem þið verðið að taka á komandi tímum og dögum.

Með því að þjóna í embætti sínu sýnir Alfas einnig mikilvægan þátt andlegra lögmála í þjónustu okkar við meistarana. Með því að halda skipaðri stöðu ykkar eða áfanga í helgivaldinu og gera það vel, jafnvel þótt það sé lítilvægt embætti eða staða, haldið þið uppi hluta af ráðstöfun Guðs og haldið ykkar stöðu í keðju helgivaldsins. Ef þeirri stöðu er ekki haldið geta saumar raknað upp. Með því að halda stöðunni sem úthlutað er, undirbúið þið ykkur líka fyrir næsta áfanga á vígslubrautinni.

Við ættum að vera sátt við að vera í þeirri stöðu sem við höfum og sjá til þess að við gerum það vel. Þegar við náum góðum tökum á þeirri þungamiðju, hvort sem það er starf í heiminum eða á heimilinu eða sem faðir eða móðir eða kennari, finnum við að meistararnir gefa okkur þær prófraunir sem við þurfum í lífinu.

Á gamlárskvöld, 1963, í Washingtonborg flutti Alfas ávarp við lok árlegs gamlársávarps Gátama Búddha. Hann sagði:

Ég, Alfas, meistari hliðsins fyrir þessa fundi á Grand Teton, lýsi því yfir að þessi innsýn inn í Grand Teton sviðin sé lokuð dauðlegum mönnum af þessu tilefni. Þið eruð velkomin þangað, að beiðni ráðsins, [er þið smeygið ykkur] úr efnislíkama ykkar í fíngerðari líkama ykkar þessa nótt. Beiðni drottins Gátama er að friðurinn sem hann kom með í nafni hins upprisna Krists megi umlykja ykkur alla þessa nótt. Í nafni ástkærra Alfa og Ómega, færi ég, Alfas, ykkur kærleikshug minn sem dyravörður þess hliðs í nótt.

Heimildir

Mark L. Prophet and Elizabeth Clare Prophet, The Masters and Their Retreats, sjá “Alphas.”