Arabian Retreat/is

Vin í Arabísku eyðimörkinni

Jesús er í forsvari fyrir athvarfi Bræðralagsins í arabísku eyðimörkinni, norðaustur af Rauðahafinu. Athvarfið er í byggingarsamstæðu sem meistaranir innsigluðu í dulrænni athöfn áður en hamfarir huldu þær eyðisandi. Þök bygginganna eru nú um 38 metra undir yfirborðinu.

Rafael, María guðsmóðir og kvenmeistarinn Nada þjóna einnig frá þessu athvarfi með herskörum friðarengla.

Lýsing

Á sjö ára fresti heldur Alþjóðaráð Stóra hvíta bræðralagsins ráðstefnu í þessari neðanjarðarborg. Farið er inn í athvarfið um nógu breitt op til að hleypa bílum inn sem keyra niður halla inn á bílastæði og þjónustusvæði sem er um 61 í þvermál. Þegar gin jarðar lokast er eyðimörkin það eina sem sést án nokkurrar vísbendingar um staðsetningu athvarfsins.

Við förum næstum 122 m niður með lyftu og komum inn í risastóra málstofu með stórum súlum, 92 m á hæð og skreytt helgirúnum. Við höldum áfram inn í aðliggjandi ráðsal sem myndar 61 m ferning, með eina stóra súlu í miðjunni sem styður bogadregið loftið. Á botni súlunnar, sem er greypt í gólfið, eru kosmísk tákn tólf húsa sólarinnar. Við tökum eftir því að þau eru frábrugðin stjörnumerkjunum sem nú eru notuð í ytri heiminum. Allur arkitektúrinn, sem og innanhússhönnun þessarar neðanjarðarborgar, er af fornum stíl sem líkist þeim sem við teljum vera gríska og rómverska.

Þegar okkur eru sýnd undur athvarfsins förum við inn í sjónvarpsklefann þar sem er stór endursendir. Á honum er hægt að fylgjast með viðburðum, með því að snúa skífu einni saman, sem eiga sér stað á hverjum stað á jörðinni. Í aðliggjandi útvarpsklefa, algjörlega einungruðum gegn hljóði og titringi, er hljóðnemi sem hægt er að stilla á hljóð eða samtöl sem eiga sér stað hvar sem er á jörðinni. Þannig eru meistarar í beinu samband við starfsemi ytri heimsins. Meistarinn K-17, yfirmaður hinnar Kosmísku leyniþjónustu, snýr oft að þessu athvarfi og notar þessi tæki til að öðlast beina þekkingu á starfsemi skuggabræðra og samsæri þeirra gegn einstaklings- og þjóðfrelsi.

Þar er efnarannsóknarstofa þar sem frumkvöðlar læra hvernig á að vinna gegn sýklahernaði, eitruðum lofttegundum og efnum þegar slíkt er losað í stórum stíl til að hafa stjórn á fjöldanum. Í geimgeislaklefanum er nemendum kennt að nota geislana sjö og hvernig eigi að beina þeim til blessunar mannkyninu. Í lista- og tónlistarsölum og sýningarsölum er verið að þróa nýja tækni sem verður opinberuð framsæknu menningarlífi og framsæknum stjórnarháttum sem notuð verða á gullöldinni. Í öðrum rúmum eru dýrmæti og skrár fornra siðmenninga geymdar og verða einn daginn birtar til uppbyggingar og blessunar fólksins.

Heimildir

Mark L. Prophet and Elizabeth Clare Prophet, The Masters and Their Retreats, sjá “Arabíska athvarfið.”