Seventh root race/is

Rótarkynþáttur er hópur sála, eða lífsbylgja, sem samanstendur af og hefur einstaka frumgerð og fornsnið, guðlega ráðagerð og köllun til að uppfylla á jörðinni. Samkvæmt dulspekilegri hefð eru sjö frumsamstæður sálna, þ.e.a.s. fyrstu til sjöundu rótarkynþáttanna.

Sjöundi rótarkynþátturinn eru sálir í þróun sem hinn Mikli guðdómlegi stjórnandi er guðfaðir fyrir. Honum er ætlað að endurfæðast á meginlandi Suður-Ameríku á tímabili sjöundu sáttmálans, vatnsberaöldinni, og sjöunda geislans.

Hinn uppstigni kvenmeistari Clara Louise talar um komu sjöunda rótarkynþáttarins:

Ég hef notið þeirra forréttinda að ganga með hinum Mikla guðdómlega stjórnanda; og í þjónustu minni við Alheims-meyjuna hefur hann leyft mér að sjá hið óspillta forsnið sálarauðkennis þeirra. Og hann hefur beðið um að ég haldi áfram þjónustu minni, þjónustu við logann sem ríkjandi Móðir logans, ekki aðeins fyrir hönd sálna í holdinu heldur fyrir hönd þeirra sálna sem aldrei hafa endurfæðst í heimi efnisformsins. Og þannig er hluti af daglegu samfélagi mínu við Ómega að styrkja hið Krists-borna forsnið sjöunda rótarkynþáttarins í vitund þeirra foreldra sem eiga í vændum að ala upp börn sjöunda rótarkynþáttarins.

Sumir þessara foreldra eru í jarðvist á þessum hnatthelmingi, Norður- og Suður-Ameríku; og sumir dvelja enn á ljósvakasviðinu og bíða þess að fæðast, svo að þeir geti fætt þessar sálir eftir tuttugu ár, eftir tuttugu og fimm ár, þrjátíu ár. Og þannig, með því að fæða sálir sem eru að undirbúa sig, sjáðu til, geturðu undirbúið foreldra sjöunda rótarkynþáttarins að þeim óvitandi og þar með orðið afar og ömmur þessara væntanlegra sálna.

Og þú átt það ólifað að sjá þau. Og þegar þú ert komin á þann aldur þegar þú getur notið barnabarna þinna, muntu finna með aukinni næmni þinni sem þú munt hafa öðlast á þeim tíma með hollustu þinni við logann að árur þessara gersema munu hafa fjólubláan blæ og rósóttar kinnar þeirra og viðkvæmur húðlitur mun einnig hafa fjólublá litbrigði. Og á þeim dögum muntu minnast þess að 25. október 1973, þegar ég kom til þín til að staðfesta sigur uppstigningar minnar og til að umlykja þig faðmi mínum, heyrðir þú orð mín og spádóma mína um þau sem koma skulu.

Þið sjáið, hjartkær gersemi mín að það mun taka nokkrar aldir áður en allur sjöundi rótarkynþátturinn er endurfæddur. Þau munu koma í slumpum í samræmi við geislana sem þeir þjóna undir. Forverar sjöunda rótarkynþáttarins eru hinir sterku sem hafa greypt á ljósvakalíkama sinn loga heilags vilja Guðs. Þeir eru gæddir þeim krafti til að ryðja brautina, koma á réttu hugarfari hins heilaga vilja. Og þannig, þið sjáið, í brennidepli heilags vilja Guðs sem þið hafið helgað ykkur, styrkið þið sömuleiðis vilja Guðs fyrir hönd forveranna, brautryðjundur sjöunda rótarkynþáttarins.

Og næstir munu koma þeir sem þjóna á öðrum geisla, og síðan þriðja, fjórða, fimmta, sjötta og sjöunda. Og í þessari röð og með þessari guðlegu hönnun mun hinn mikli guðdómlegi stjórnandi styrkja lífsbylgjuna. Og þú munt sjá mynstur lífsbylgjunnar á innri hæðum vera eins og risastór ferill þar til þungamiðja ferilsins, eins og slóðin á halastjörnunni sjálfri, munu birtast miðlægt í Sonarvitundinni. Og Kristsvitund sjöunda rótarkynstofnsins mun þá koma fram á sjónarsviðið, þegar hver af geislunum sjö mun hafa orðið holdgervingur.

Þú verður líka að skilja að ljós lækkar og að ljósbylgjur koma fram innan fyrstu bylgjunnar þar sem fulltrúar allra geislanna sjö eru innan fyrstu bylgjunnar. Og þannig sérðu að spíralar innan spírala innan spírala undirbúa leiðina fyrir að stór lokaatriði alls mandala rótarkyns birtist.

Sjá einnig

Rótarkynþáttur

Manú

Hinn mikli guðlegi stjórnandi

Heimildir

Mark L. Prophet and Elizabeth Clare Prophet, Saint Germain On Alchemy: Formulas for Self-Transformation.