Decree/is

 
Hluti af greinasafni um Vísindi hins
talaða Orðs

---

   Megingreinar    Hið talaða Orð

---

   Ýmsar gerðir hins talaða Orðs    Staðfesting Ákall Söngl Möntrufyrirmæli Tilskipun Bænaávarp Mantra Bæn

---

   Austrænir hættir    AUM Bhajan Bija mantra Gullna mantran Om mani padme hum

---

   Vestrænir hættir    Heil sé þér María Rósakransbæn

---

   Sérstakir helgisiðir    Ljóshringur Maríu guðsmóður Fjórtán rósakransbænir Rósakransbæn Mikaels erkiengils Helgihald uppstigningarlogans Kristal rósakransbæn Kuan Yins

---

   Skyld efnisatriði    Fjólublái loginn Möntrufyrirmæli fjólubláa logans Jafnvægi á milli fjólublárra og blárra möntrufyrirmæla Pranayama Öndunaræfingar Djwal Kúls  

no. Fyrirhugaður vilji, forsögn, boð, ákvæði, forskrift, úrskurður kirkjuþings, opinber tilskipun eða fyrirskipun.

so. að ákveða, að lýsa yfir; að ákvarða eða skipa; að leggja eitthvað fyrir; að kalla fram nærveru Guðs, ljós/orku/vitund hans, kraft hans og vernd, hreinleika og fullkomnun.

Skilgreining

Ritað er í Jóbsbók: "Mælir þú fyrir um eitthvað, mun þér heppnast það, og birta skín yfir vegu þína.“ Fyrirmæli eru öflugust allra tilvísana til guðdómsins. "Gefið mér fyrirmæli" segir Guð í Jesaja 45.11, hin upphaflega skipun til ljóssins, "Lux fiat", Orð Guðs sem synir og dætur Guðs gefa í nafni ÉG ER-nærverunnar og hins lifandi Krists til að koma á uppbyggilegum breytingum á jörðinni með vilja Guðs og meðvitund hans um að vilji almættisins birtist svo að ofan sem að neðan. Það er leiðin til þess að ríki Guðs verði að veruleika hér og nú með krafti hins talaða Orðs.

Kraftmikil möntrufyrirmæli, sem fært er sem lof og bæn til Drottins Guðs í vísindum hins talaða Orðs er „áhrifarík og áköf bæn hinna réttlátu“ sem gagnast mikið. Hin kraftmiklu möntrufyrirmæli er leiðin þar sem biðjandinn samsamar sig Orði Guðs, jafnvel upphaflegri tilskipun skaparans: „Verði ljós, og það varð ljós.“

Með hinum kraftmiklu möntrufyrirmælum sem mælt eru af gleði og kærleika, trú og von á uppfyllingu sáttmála Guðs, tekur biðjandinn á móti gróðursettu Orðinu og upplifir "eldraun" umbreytingarinnar með hinum helga eldi heilags anda. þar sem allri synd, sjúkdómum og dauða er eytt, en réttlát sál er varðveitt.

Möntrufyrirmæli eru verkfæri og tækni hins alkemíska gullgerðarmanns til persónulegrar umbreytingar og plánetuumbreytinga og sjálfsupphafningar.

Sundurliðun möntrufyrirmæla

Möntrufyrirmælin geta verið stutt eða löng og er venjulega mörkuð formlegum inngangi og niðurlagi eða samþykki. Saint Germain útskýrir tilgang þessara hluta:

Möntrufyrirmæli eru almennt samsettar úr þremur hlutum og ættu að líta á þær sem bréf til Guðs:

Ávarpsorð möntrufyrirmælanna eru áköll. Þau eru ávarp til hinnar einstöku nærveru Guðs í sérhverjum syni og dóttur Guðs og til þeirra guðsþjóna sem mynda hið andlega stigveldi. Þegar þetta ávarp (inngangsorð möntrufyrirmælanna) er borið fram í lotningu er það ákall sem knýr fram svar frá Guði og uppstignu meisturunum. Við gætum ekki neitað að svara þessari kvaðningu sem beint er til áttundarvíddar okkar frekar en að slökkviliðið ykkar myndi neita að bregðast við hjálparbeiðni í heimi ykkar. Ásetningur ávarpsins er þess vegna að virkja umsvifalaust krafta uppstignu meistaranna til að svara erindi bréfs ykkar til Guðs sem þið setjið fram svo blíðlega í munnlegri tjáningu eins manns eða margra í einum rómi.

(2) Innihald erindis ykkar eru yfirlýsingar sem orða langanir ykkar, fyrirgreiðsla sem þið viljið kalla fram fyrir ykkur sjálf eða aðra og beiðnir sem eiga jafnvel við venjulegar bænir. Eftir að hafa leyst mátt hins talaða Orðs úr læðingi með fullri vitund, undirvitund og yfirvitund hins æðra sjálfs, þá getið þið verið þess fullviss að hinni æðstu vitund uppstignu meistaranna sem þið hafið ákallað er einnig umhugað um að birta það sem þið hafið kallað fram.

(3) Nú er komið að niðurlagi möntrufyrirmælanna ykkar, innsigling erindisins í hjarta Guðs, sem birtist á sviði andans með skuldbindandi hætti og þaðan snýr það aftur til efnisheimsins og birtist í samræmi við óbrigðul lögmál alkemíunnar (heildar-efnafræði Guðs/all-chemistry of God) og lögmáls útfellingar hugarorkunnar í efnislegt ástand.

Þeir sem skilja merkingu veldisvísins í stærðfræði verður ljóst að samanlagður kraftur möntrufyrirmælanna, sem viðstaddir í hópnum kalla fram, eykst ekki í réttu hlutfalli við fjölda þátttakenda [þ.e. 1:1, 2:2, 3:3, … – innskot þýð.] heldur eykst krafturinn samkvæmt ákvæðum hinnar gamalþekktu margfeldisreglu sem er á þá leið að sá guðskraftur sem leysist úr læðingi með hinu talaða Orði margfaldast í öðru veldi með fjölda þeirra einstaklinga sem gefa möntrufyrirmæli hverju sinni og með fjölda þeirra skipta sem farið er með þau [þ.e. 1 í öðru veldi = 1; 2 í öðru veldi = 4; 3 í öðru veldi = 9 o.s.frv. – innskot þýð.].

Sjá einnig

Hið talaða Orð

Til frekari upplýsinga

Mark L. Prophet og Elizabeth Clare Prophet, Vísindi hins talaða Orðs, Bræðralagsútgáfan. [1], Reykjavík, 2022.

Jesus and Kuthumi, Prayer and Meditation.

Prayers, Meditations and Dynamic Decrees for Personal and World Transformation.

Mark L. Prophet og Elizabeth Clare Prophet, The Science of the Spoken Word: Why and How to Decrete Effectively (hljóðdiskur).

Heimildir

Mark L. Prophet og Elizabeth Clare Prophet, Vísindi hins talaða Orðs, Bræðralagsútgáfan, Reykjavík, 2022, 5. kafli. [2].