Fohat/is

Samþjappaður styrkur heilags elds losaður, hið skapandi ljós/orka sem leysist úr læðing sem andsvar við hinu talaða orði; hinn dularfulli rafkraftur kosmískrar vitundar, hið knýjandi lífsafl. Þegar guðleg tilskipun kallar hann fram færist þróun alheims, vetrarbrautar eða sólkerfis eða einstakrar mannveru frá upphafi til endaloka ætlunarverksins. Hið óendanlega æðsta afl á bak við öll hliðaröfl.

El Morya útskýrir:

Fóhatískar úrlausnir, ástfólgnu vinir, eru sameindaformúlur sem eru notaðar fyrir ákveðna losun á krafti orkustöðva. Þessi orka, þegar hún er kóðuð í ákveðnum birtingarmyndum, getur komið fram á efnissviðinu í hvers kyns birtingarmynd, hvaða styrkleika geislanna sjö sem er fyrir ákveðna aðgerð eða krefjandi verkefni.

Omri-Tas gefur frekari leiðbeiningar um notkun fohat:

Hvíti eldkjarni hvers og eins loga er fóhat. Og losun þessa elds til sköpunar og afsköpunar efnisins ná þeir fram sem verða meistarar hins helga elds með æfingum, með því að beita loganum og möntrufyrirmælum og með algjörum óeigingjörnum kærleika.

Algjör Guðs-ást ásamt visku og fullkominni hollustu við vilja Guðs er lykillinn að því að verða fullnumi. Ég fullyrði að þú getur öðlast það með því að stunda vísindi hins talaða orðs af kostgæfni, að hafa í huga öll önnur skilyrði sem lúta að því að jafna þrígreinda logann. Og þú kemst að því að þar til að þú stígur frá ytri jaðri logans inn að hvíta eldkjarna hans, þá stendur þitt eigið heilaga Krist-sjálf í kjarnanum og losar sem svar við ákalli þínu eins mikið af þessu fohati og lögmálið leyfir, eins mikið og tryggt er fyrir þig að varðveita í áru þinni miðað við núverandi árangur þinn.

Heimildir

El Morya, Ashram Notes, bls. 106.