False hierarchy/is

Hluti af greinasafni um Hið falska helgivald

---

   Megingreinar    Falska helgivaldið Fallnir englar Andkristur

---

   Einstakir fallnir englar    Belsebúb Varmenni Lúsífer Samael Satan Höggormurinn ————— Peshú Alga

---

   Flokkur fallinna engla    Nefilím (Risarnir) Verðirnir Lúsíferar Höggormar Djöfladýrkendur Djöflar Synir Varmennis

---

   Greinar af hinu falska bræðralagi    Illúmínati Hið indverska svartbræðralag Bræðralag hins svarta hrafns Falskir gúrúar  

Falska helgivaldið samanstendur af hópi óuppstiginna fullnuma sem dvelja á geðsviðinu, skipulagt til að líkja eftir hinu sanna bræðralagi uppstiginna meistara sem mynda hið ríkjandi helgivald jarðplánetunnar — hið Stóra hvíta bræðralag. Falska stigveldið er einnig þekkt sem svarta bræðralagið — aðilar þess iðka svört vélabrögð eða svartagaldur sem er kerfi byggt á því að misnota krafta Guðs í þeim tilgangi að ráðskast með aðra sem kemur í veg fyrir að þeir geti notið beinnar leiðsagnar sinnar eigin voldugu ÉG ER-nærveru og heilags Krists-sjálfs.

Í ellefta kafla annars bréfs Páls postula til Korintumanna talar Páll um þessa falsbræður:

Því að slíkir menn eru falspostular, svikulir verkamenn, er taka á sig mynd postula Krists. Og ekki er það undur, því að Satan sjálfur tekur á sig ljósengilsmynd. Það er því ekki mikið, þótt þjónar hans taki á sig mynd réttlætisþjóna. Afdrif þeirra munu verða samkvæmt verkum þeirra.

Aðilar falska helgivaldsins

Aðilar hins falska stigveldis samanstanda af föllnum englum og þeim sem einu sinni voru nemendur uppstignu meistaranna sem völdu að nota þekkinguna á hinum helga eldi sem þeim var falið til sjálfsdýrkunar fremur en Guði til dýrðar og útbreiðslu ríkis hans. Þetta er þekkt sem vinstri handar leiðin. Verkfæri falska helgivaldsins, sem vinna saman frá geðheimasviðunum, eru meðal annars nornir og verur untan líkamans og hugsanagervi múgmennskunnar.

Málpípur hins falska helgivalds sem búa meðal mannkyns í efnislíkamanum og vinna einarðlega að því að tortíma öllu því sem heyrir Guði til, eins og þessir þorparar hafa gert sjálfum sér. Innan raða þeirra, og á meðal verkfæra (djöfulsins) eru fallnir englar í efnislíkama, "eftirlegukindur", hin guðlausa sköpun, nornir, iðkendur vúdú og annars konar frumskógartöfra og þau meðal barna Guðs sem hafa ekki skuldbundið sig til að lifa í Kristi og því er hægt að véla þau til að vinna að framgangi ráðabruggs svarta bræðralagsins í mörgum tilvikum.

Ráðabrugg

Öll þessi öfl vinna saman sem „hersing“ sem setur sig upp á móti andlegum framförum mannsins. Þau vinna ötullega að því að viðhalda víggirðingu félagslegra kerfa sem hneppa kynstofninn í þrældóm endalausra efnahagsþrenginga, gera efnishyggju að markmiði tilverunnar og réttlæta hana með heimspeki díalektískrar efnishyggju, á sama tíma og þeir reyna að þurrka úr minnisskrám vitneskju sálarinnar um uppruna hennar í Guði, dyggðir, og endanlega endurkomu hennar til föðurins í gegnum helgisiði uppstigningarinnar.

Hinir hæfustu meðal hins falska helgivalds (sem dvelja á geðheimasviðinu) birtast reglulega móttækilegum miðlum sem eru í efnislíkama. Þeir líkja eftir uppstignu meisturunum með slíkri slægð að margir einlægir leitendur hafa látið blekkjast; haldið að þeir væru í viðurvist eins eða fleiri af uppstignu meisturunum og hafa því helgað sig óafvitandi málstað myrkraaflanna og fjötrað krafta sína við brögð svikahrappanna.

Það er stefna hins falska helgivalds að fella mannkynið í gildru með því að stæla fyrirlestra uppstignu meistaranna. Það gera þeir með því að apa eftir sjálfsögðum sannindum. Þegar þeir hafa sefað hlustendur sína með falskri ró og fullkominni sjálfsánægju kynna þeir kenningabrot sem eru í algjörri andstöðu við alheimslögmálið. Þessi frávik frá grunnsannindum eru fóðruð með hátimbruðum kenningum og rættlætingum fyrir sjálfshyggju fylgjenda með því að höfða til hégómagirndar þeirra og löngunar til að vera taldir vitrir á meðal manna og æðri öðrum sem ekki hafa samband við huliðsheima.

Sannleiksleitendur verða alltaf að hafa í huga að forvitni, stolt og löngun til að vekja athygli á sjálfum sér, auk ásækni í dularfull fyrirbæri, opna dyrnar fyrir sálrænni ágengni innri afla. Þegar eitt sinn hefur verið „skrúfað frá“ þeim er erfitt að skrúfa fyrir aftur eins og lærlingur galdramannsins fékk að kenna á. Aftur á móti er óbilandi hollusta við nærveru Guðs í öllu lífi, helgun við hið flekklausa hugtak og ítarleg, tiltæk þekking á lögmáli uppstignu meistaranna eru andleg varnarvígi sem veita óendanlega vernd gegn öllu sem stæði gegn einstaklingsbundinni sjálfsfærni og fullkominni stjórn og endanlegri uppstigningu hans í ljósinu.

Heimildir

Mark L. Prophet and Elizabeth Clare Prophet, The Path of Christ or Antichrist, 3. kafli, “Andkristur.”