Jophiel and Christine/is

Jófíel er erkiengill og Kristín er kvenerkiengill annars geisla visku og upplýsingar. Þessir tvíburalogar magna Krists-vitundina á meðal engla, náttúruvera og manna. Jófíel og Kristín þjóna með heimskennurunum, Jesú og Kúthúmi, við að upplýsa skilning mannkyns á kosmískum lögmálum. Nafnið Jófíel þýðir "fegurð Guðs".

Athvarf

► Aðalgrein: Athvarf Jófíels og Kristínar

Athvarf Jófíels og Kristínar er á ljósvakasviðinu uppi yfir sléttum Mið-Kína, sunnan við Kínamúrinn nálægt Lanchow. Frá gula upplýsingarloganum sem hér hefur verið í brennidepli frá fyrstu gullöld hefur ekki aðeins komið „guli“ kynstofninn og Gulafljótið heldur einnig speki Konfúsíusar, Laó-tse og siðmenning Kína til forna.

Viska Kína til forna náði háum hæðum löngu áður en það vottaði fyrir siðmenningu á Vesturlöndum. Í þá daga héldu valdhafar Kína dulrænu sambandi við helgivaldið í athvarfi Jófíels. Svo lengi sem þessir innvígðu höfðu umboð himnaríkis (hins guðdómlega réttar til stjórnunar) og réðu „miðríkinu“, óx og dafnaði siðmenning Kína undir geisla hinnar gullnu sólar kosmískrar visku.

Þjónusta þeirra

Jófíel og Kristín og viskuenglarnir kenna hvernig á að tengjast æðra sjálfinu. Jófíel segir að maður þurfi að mennta hjartað, síðan hugann og svo sálina. Hann segir:

Hugsaðu um fornmennina sem voru uppi á jörðinni og þekktu hugsanir Guðs þegar Guð hugsaði þær.

Englar Jófíels og Kristínar afhjúpa leyndardóma Guðs og þeir afhjúpa illræði manna og föllnu englanna. Þeir eru hér til að afhjúpa hvað stjórnvöld fela, hvað er hulið í vísindum, menntun, læknisfræði, næringarfræði, heilsu, alnæmi og öðrum banvænum sjúkdómum, stríðinu gegn eiturlyfjum, mengun og umhverfinu, áhrifum tónlistar á þróun og þroska og hreinlega allt sem snertir daglegt líf okkar.

Jófíel og Kristín hafa verið kölluð til að frelsa okkur frá djúpstæðri fáfræði sem er að leggjast á hverja þjóð og hefst í fyrstu bekkjum skólabarna. Á okkar tímum hefur markmið menntunar á jörðinni verið að örva tölvueiginleika huglíkamans. Bein samskipti við Guð í gegnum þrígreinda logann og hjartaorkustöðina skortir.

Englar fyllast fögnuði í þjónustu sinni og þeir halda brennandi tryggð við Guð sem hefur komið í veg fyrir að þeir víki af vegi ljóssins. Jarðtengt í hjörtum þeirra — jafnvel þó að þeir séu englar upplýsingarinnar — bera gríðarlegan kærleikshug til mannkyns sem heldur þá að verki í andrúmslofti sem er mjög óþægilegt fyrir hreina orkutíðni þeirra. Það eina sem rekur þá áfram er að vegsama föðurinn og reisa syni hans aftur upp í hina sönnu stöðu sem þeir áður þekktu og nutu. Jófíel segir:

Ég vil því benda ykkur á að það er til leið til að halda háu vitundarstigi og það er að finna kærleika Guðs rótfasta í hjarta ykkar samtímis því að þið hafið hugfast kærleika Guðs. Það er því unnt fyrir ykkur að nýta hjartaræturnar sem guðdómlega kærleikssól og halda í heila ykkar kraft upplýsingarinnar í geislandi brennidepli svo að allur drungi sé örugglega þurrkaður úr vitund ykkar.

Stóri heili og litli heili eru eins og Vetrarbrautin mikla í hinum víðfeðma stjörnubjarta alheimi. Þeim er ætlað að vera voldug meginlönd orkuvera sem eru njörvuð í heilasvæði sérhvers karls [og konu] þar sem miklir upplýsingarstraumar geta flætt í gegnum hinar dásamlegu fellingar dýrmæts heila ykkar, skapað í þeim gylltan upplýsingarloga og fjarlægt hið svokallaða gráa efni úr mannlegri vitund sem er ekkert nema brenglun hins hreina hvíta ljóss sem afmyndast í eiginleika hins gráa efnis vegna viðbættra skuggaflekka sem skapast af drungalegum og gruggugum hugmyndum manna.

Ef þið kallið til engla upplýsingarinnar geta þeir leyst til ykkar volduga ljósstrauma sem eru merkúrs-demantskínandi hugur Guðs. Þessir ljósgeislar geta streymt um heila ykkar, tindrandi eins og sólarljósið á vatnið og þurrka úr huga ykkar þann þrunga sem skapast hefur vegna mennsks hugarfars og tilfinninga sem hafa afmyndast í orkusveiflur afbrýðiseminnar, efans, óttans, ósómans og skorts á heilindum.

Þann 9. september, 1963, gaf Jófíel erkiengill út tilskipun sem leiddi til afhjúpunar á hættum tóbaks og skýrslu landlæknis Bandaríkjanna um skaðleg áhrif reykinga. Jófíel útskýrir fyrir þeim sem eru háðir reykingum að notkun níkótíns skapi drunga í heilanum sem kemur í veg fyrir að guðleg greind leiftri fram í gegnum móttökusvæði heilans. Þegar fólk gerir upp við reykingavenjuna kemst það að því að það eykur andlegt upplýsingastreymi til þess í gegnum heilann og miðtaugakerfið.

Reykjarmökkur og loftmengun virka einnig til að gera hinn gullna upplýsingarloga gagnslausan í heilavitund okkar. Jófíel segir okkur að þegar menn skilja hvernig nota á kjarnorku og þegar þeir leggja sig fram við að tengjast Guði hjartnæmum böndum af meiri kostgæfni geti þeir stöðvað reyklosun og komið í veg fyrir byrðar á umhverfið sem veldur svo mikilli eymd milljóna.

Erkiengillinn Jófíel hefur sérstakar áhyggjur af hinu ömurlega menntunarástandi. Englar hans eiga í linnulausri baráttu gegn fáfræði, andlegum drunga og meðalmennsku þar sem þetta hefur áhrif á hug kennara og nemenda og dregur úr gæðum námsstofnana. Hann segir að þessi neikvæðu viðhorf „dragi úr skerpu Krists-eiginleika sem er eign og arfleifð barna sólarinnar.“

Kristín kvenerkiengill segir:

Ákallið mig til að hafa milligöngu fyrir hinum Kosmíska Kristi fyrir ykkar hönd um að koma háþróuðum kennsluaðferðum á framfæri við foreldra, kennara og stuðningsmenn ungmenna. Viljið þið ekki biðja um að kennarar heimsins og helgivald upplýsingarinnar megi veita leiðbeinendum á öllum sviðum, sem og ykkur sjálfum, nýjar og háþróaðar námsaðferðir til að kenna allar faggreinar. Við höfum komið fram með kennsluaðferðir fyrir meðalgöngu Maríu Montessori og margra annarra kennara. Það er svo margt fleira sem við getum upplýst þá sem vilja hlusta.

Jófíel vill kenna ykkur hvernig þið getið átt samskipti við huga Guðs og hlotið sjálfsþekkingu. Viskuenglarnir eru reiðubúnir og bíða átekta að geta veitt ykkur liðsinni, þegar þið gefið merki um það, til þess að drekka í ykkur hugarheim Guðs. Jófíel erkiengill sagði eitt sinn: „Vitið þið að einn hugur, umbreyttur af huga Krists, er hvati til að hrífa hug íbúa heillar plánetu? Það er það sem Kristur holdi klæddur, Búddha holdi klæddur geta gert.“

Heimildir

Mark L. Prophet and Elizabeth Clare Prophet, The Masters and Their Retreats, sjá “Jófíel og Kristín”.