Karma jóga

Karma jóga er leiðin til að jafna karmabyrði (ok) — orsaka og afleiðinga sem stofnað var til í þessu og fyrra lífi; vegur góðra verka sem vottast í hreinum hugsunum, tilfinningum, orðum og gjörðum; ögun hinna fjögurra lægri líkama með áherslu á líkamlega virkni til alkemískra umbreytinga; andlegar/líkamlegar æfingar, þar með talið að kalla fram hinn helga eld (agni jóga) með möntru- og japa-fyrirmælum í tengslum við sjónsköpun með fjólubláa loganum; láta sig engu skipta ávexti athafna eða umbun þeirra (óhæði).

Lokamarkmið karma jóga er frelsi frá hringrás endurfæðinga með milligöngu hins alltumlykjandi kærleika og náðar heilags anda og endurfundir við Guð, hina voldugu ÉG ER-nærveru í helgihaldi uppstigningarinnar.

Það er hægt að ná háum andlegum hæðum en láta það eina ógert sem þarf að öðlast: full karmajöfnun. Með æfingum og guðshollustu má ná upphöfnu vitundarástandi - það er eins og að klifra upp stiga. En smátt og smátt verður andlegi leitandinn að koma niður á jörðina, feta veg karmaóga, bretta upp ermarnar, taka til starfa og jafna karma.

Karma jóga fellur á níundu línu hinnar Kosmísku klukku, líkamlega fjórðunginn. Það er leiðin til hjálpræðis fyrir þá sem eru til þess fallnir að taka til hendinni.

Kenningar Krishna

Eins og Krishna útskýrir í Bhavagad Gita:

Það er ekki rétt að láta ógert hið heilaga verk sem ætti að vinna. Slík uppgjöf aðgerða væri blekking i blindni. Og sá sem vanrækir skyldu sína vegna ótta við sársauka, uppgjöf hans er ... flekkuð og í sannleika sagt hlýtur hann að ekkert úr býtum.

En sá sem vinnur helgistarf, Arjúna, vegna þess að það ætti að gera, og hættir að vera eigingjarn og láta sig umbun [eða lof] skipta, starf hans er hreint og hann er friðsamur. Þessi maður sér og efast ekki: hann gefur eftir, hann er hreinn og hefur frið. Vinna, ánægjuleg eða sársaukafull, er honum gleði.

Því að það er enginn maður á jörðu sem getur að öllu leyti afsalað sér lifandi verki, en sá sem afsalar sér launum verks síns er í sannleika afsalsmaður. Þegar verk er unnið vegna launanna veitir verkið ánægju, eða sársauka, eða hvort tveggja, á sínum tíma; en þegar maður vinnur í eilífðinni, þá er eilífðin verðlaun hans.<ref>Juan Mascaro, þýð., The Bhagavad Gita (New York: Penguin Books, 1962), bls. 115–16.</ref. >

Ef við vinnum að persónulegum ávinningi og til sjálfsánægju þá erum við að binda okkur við þennan heim og ávexti gjörða okkar. Ef við vinnum í þágu annarra eða Guði til dýrðar erum við að frelsa okkur frá fyrri karma.

Í heiminum en ekki af honum

Það er hættulegt ástand þegar fólk hættir að þjóna Guði og starfi hans og snýr sér að hugleiðslu, íhugunum og öðrum innhverfum andlegum athöfnum. Þeir hafa ekki lært að verk hjartans, höfuðsins og handanna er kaleikur fyrir sanna hugleiðslu, íhugun og snertingu við Guð.

Leið karmajóga sýnir okkur hvernig við eigum að vera í heiminum en ekki af heiminum. Það sýnir hvernig við getum hætt að grafa okkur dýpra í mýri mennskrar sjálfshyggju og í staðinn unnið að því að verða hreinn kristall sem andinn, Atman, getur skinið óhindrað í gegnum.

Karma jógar verða að fylgja grundvallar siðferðisreglum, hugsa aldrei illt, stjórna löngunum sínum og ástríðum og skaða aldrei neinn andlega eða líkamlega. Karma jóginn má aldrei vinna af eigingirni eða tilfinningu að hann sé að fórna sér eða leggja mikið á sig. Krishna segir að slík vinna sé flekkuð. Við verðum að nota athafnir til að losa okkur úr viðjum veraldarvafsturs.

Sjá einnig

Jóga

Heimildir

Jesus and Kuthumi, Corona Class Lessons: For Those Who Would Teach Men the Way.

Mark L. Prophet and Elizabeth Clare Prophet, The Masters and the Spiritual Path.