Heilagur andi
Þriðja persóna þrenningarinnar; alnævera Guðs; klofnar eldstungur sem beinast að Guði föður og Guðs-móður, einnig kallaður hinn helgi eldur; orka lífsins sem streymir inn í alheiminn. Í hindúaþrenningunni Brahma, Vishnú og Shíva samsvarar heilagur andi Shíva, þekktur sem tortímandinn/frelsarinn vegna kærleika hans sem eyðir öllu (misjöfnu). Þegar hann er kallaður fram á efnissviðið bindur hann myrkraöflin og umbreytir orsök og afleiðingu misskapnaðar mannsins og frelsar hann þannig úr prísund karma síns og myrkviðum þess.
Prana-lífsorka er kjarni heilags anda sem við drögum að okkur með hinum helga eldanda í gegnum orkustöðvarnar til að endurnæra fjóra lægri líkamana. Heilagur andi heldur jafnvægi fyrir Guð föður og Guðs-móður á hinum hvíta eldkjarna tilverunnar. Útrekstur illra anda og óhreinna hugsanagerva fer fram með helgum eldi heilags anda í nafni Krists og ÉG ER SÁ SEM ÉG ER. Níu náðargjafir andans eru kraftar sem miðlað er til þjóna Drottins til að binda enda á dauða og helvíti og vinna verk hans á jörðu.
Logi heilags anda er huggarinn sem Jesús lofaði að myndi koma eftir að Drottinn yfirgaf okkur. Hann mun kenna okkur allt og minna okkur á allt það sem Jesús hefur sagt okkur bæði á himni og jörðu.[1] Í hvert sinn sem sonur eða dóttir Guðs stígur upp í nærveru ÉG ER SEM ÉG ER, stígur Heilagur andi niður til að fylla upp í tómarúmið sem myndaðist og til að efla nærveru Drottins á jörðu. Þetta helgast af niðurstigningu heilags anda sem Jesús lofaði lærisveinum sínum þegar meistarinn sagði: „ ... verið þér kyrrir í borginni, uns þér íklæðist krafti frá hæðum,“[2] sem átti sér stað á hvítasunnunni.[3]
Náðargjafirnar níu
► Aðalgrein: Náðargjafirnar níu
Níu gjafir heilags anda eru (1) orð viskunnar, (2) orð þekkingar, (3) trú, (4) lækning, (5) verkun kraftaverka, (6) spádómur, (7) greind anda, (8) margvíslegar tungur, (9) túlkun á tungum.[4]
Fulltrúi heilags anda
► Aðalgrein: Maha Chohan
Fulltrúi loga heilags anda fyrir þróun jarðar er hinn upprisni meistari sem gegnir embætti Maha Chohan. Heilagur andi er persónulegur ópersónuleiki guðdómsins og er staðsettur vestan megin við City Foursquare.
Sjá einnig
Til frekari upplýsinga
Fyrir kennslu um heilagan anda í og sem náttúrunni, sjá Mark L. Prophet and Elizabeth Clare Prophet, The Path of the Higher Self, volume 1 of the Climb the Highest Mountain® series, bls. 324–26, 343–71, 461–66.
Heimildir
Mark L. Prophet and Elizabeth Clare Prophet, Saint Germain On Alchemy: Formulas for Self-Transformation.