Ljósvakaborgir
Það eru fjórtán ljósvakaborgir uppi yfir jörðinni, sjö yfir heimshöfunum sjö, sjö uppi yfir eyðimörkunum sjö. Þessar ljósvakaborgir eru staðir þar sem ljóssálir eða sálir sem hafa aðstoðað uppstignu meistarana geta farið til á milli endurfæðinga eða í svefni. Þessar borgir eru ósnortnar, tærar og óspilltar á ljósvakasviðinu; þær eru eins og þær voru á gullöld [jarðar]. Sýn Jóhannesar hins elskaða um Nýju Jerúsalem sem er að finna í Opinberunarbókinni má rekja til sýnar hans um ljósvakaborgirnar sem marka innra forsnið ferhyrndu borgarinnar fyrir komandi birtingu í siðmenningum jarðarinnar.
Gullguðinn lýsir þessum borgum:
Í ljósvakaáttundinni — eru ljósborgirnar gulli lagðar og stöðugt ljósstreymi. Englar ganga frjálslega um með sonum og dætrum Guðs á meistastigi. Börn eru frjálsleg sem guðirnir, ná fulla birtingu orsakalíkamans. Þið getið séð votta fyrir gagnsæju Krists-sjálfsins og orsakalíkamans og ÉG ER-nærverunnar sem eru sýnileg fyrir ofan þessa lífsstrauma. Göturnar eru gullslegnar.
Gull flytur og leiðir sólarljósið, heldur við heilsu í líkamanum og útfellingu sólarljóssins frá eigin orsakalíkama hvers og eins, áunninn forði fyrri endurfæðinga á jörðu og þjónustu á himnum. Þess vegna sjáið þið að allir eru ekki jafn efnaðir, jafnvel ekki í ljósvakaborgum, en hver sýnir með kunnáttu, kærleika sínum og guðdómi útfellingu þessa gullsgnóttar og fegurðar og ljóss, menningar og sálarþroska og allar hinar fjölmörgu hliðar Guðs-stjórnar á geislunum sjö.
Maður heyrir, með hljóðlausu hljóði og innri samstillingu orkustöðva, grunntóna allra meistara alheimsins. Maður getur stillt sig með hugleiðslu í gegnum orkustöðvar sínar inn á ýmsar bylgjulengdir hljóðs, ljóss, fegurðar, innblásturs og launhelga og andlegra miðstöðva annarra pláneta og fjarlægra heima.
Fegurð náttúrunnar er ljómandi og marglit - kristaltærir straumar, loftið ferskt, lífskraftur stjarnanna hrífandi, tilfinningin fyrir gegndræpi lífsins með bláum geisla vilja Guðs. Það er friður og jafnvægi, rósemi. Það ríkir almenn vellíðunarkennd og enginn pirringur og taugaveiklunareinkenni sem fylgir hinna þéttari líkama sem við íklæðumst, og menn eru lausir við mataræðið sem við neytum, sveiflutíðni dauða og undirheima á jarðarsviðinu.
Fyrir utan þessa sjö stórborgir ljóssins eru opin svæði ljósvakasviðsins þar sem eru eru afskekkt musteri, lærdómssetur, önnur samfélög og einhvers konar samkomur meistaranema.[1]
Í einni af merkilegustu borgum í heimi, Washingtonborg, vottar fyrir ljósaborg úr tálgusteini. Það má rekja til áhrifa [uppstignu meistaranna] Saint Germains og George Washingtons sem lækkuðu forsnið [ljósborganna] niður í [efnislegt] form. Borgarskipulag Washington nær aftur til hinna miklu ljósborga sem voru í Amazon-dældinni á tímum mikilfenglegrar gullaldar í Suður-Ameríku; lykilbyggingar borgarinnar eru hvítar og í mörgum þeirra má greina eitthvað mjög svipað því sem sést í ljósvakaborgunum.
Heimildir
Mark L. Prophet and Elizabeth Clare Prophet, The Masters and Their Retreats, sjá “The Etheric Cities”.
- ↑ Godfre, 3. september, 1984.