Athvarf Apollós og Lúmínu

Athvarf Apolló og Lúmínu er staðsett á ljósvakasviðinu uppi yfir Neðra-Saxlandi, Þýskalandi. Hér hafa elóhímar annars geisla hvirfilorkustöð hnattarins í brennidepli.

Lýsing

Á ytri hlið byggingarinnar eru þrjár súlur sem mynda þríhyrning. Þessar stoðir eru rafskaut sem hafa gula stjörnu efst á hverri þeirra í brennidepli. Í þessu ljósvakaathvarfi eru þrjár hæðir í hringlaga hvelfingu, byggðar í fleygboga. Fyrsta hæðin er sú stærsta, önnur og þriðja minnka eftir því sem ofar dregur. Í miðju hverra þessara þriggja hæða er kúlulaga beinir elda Apollós og Lúmínu.

Í miðju fyrstu hæðarinnar er gyllt kúla sem líkist þyrlandi vetrarbraut, stjörnuþyrpingar hennar þyrlast á svo mikilli tíðni að þær virðast vera í fullkominni kyrrstöðu. Í miðri annarri hæð er eins kúla sem er í ljómandi safírbláum lit. Í miðju efra salsins er önnur gyllt kúla eins og sú á fyrstu hæðinni. Á hverri hæð er hugleiðsluhvelfing með kúlulogann í brennidepli.

Hver þessara sala rúma um það bil eitt þúsund engla sem þjóna undir stjórn Apollós og Lúmínu. Dýrlegar gylltar árur þeirra og skrúðklæðnaður lítur út eins og þeir séu í þungamiðju hinnar miklu Meginstöðvar. Kennslustofur, rannsóknarstofur, bókasöfn og skjalasöfn mynda geislamyndað mynstur út frá miðju hugleiðslustofunnar á hverri af þremur hæðunum. Á fyrstu hæð er hringlaga gangur sem fylgir ummáli byggingarinnar. Beggja vegna salarins eru þrívíddarsýningar sem sýna virkni hringrásalögmálsins um alla jörðina. Það eru nokkur þúsund slíkar sýningar ofan á ferningastólpum um hálfs annars metra háar.

Þegar elóhímar brugðust við hinu stórfenglegu tilskipun um að fara fram og skapa jörðina, gerðu þeir það með því að hefja hringrásir. Hinar mörgu hringrásir sem eru hluti af heimi okkar mynda í raun sérkenni hans. Hringrásir jarðar, lofts, elds og vatns, steinefna- og plönturíkisins, tíma og rúms – allt þetta er myndskreytt. Þessar hringrásir eru byggðar á lögmáli hinna tólf sem lýst er í tólf flokkum orsakalíkamans og tólf stjörnumerkjum, einnig þekkt sem tólf helgiveldi sólarinnar.

Einnig eru sýndar hringrásir kosmískra vera og losun ljósorku þeirra til plánetunnar, hringrásir siðmenninga, hringrásir ljóstillífunar og sköpunar. Rafræna kraftsviðið innan ferhyrndu bálkanna gerir þessum skjám kleift að vera upphengdir í lofti og hafa „beina útsendingu“, blakandi loga, spírala, sýna endalausa margbreytileika heimsins okkar og gera þessi ferli einföld með myndskreytingum. Maður gæti auðveldlega eytt hundrað árum í að rannsaka þessar sýningar og fá kennslu hjá hinum miklu kosmísku vísindamönnum sem þjóna í þessu athvarfi.

Starfsemi musterisins

Til undirbúnings komandi blómaskeiðs er gífurlegu flæði upplýsingarloga losað úr þessu musteri. Þær milljónir engla sem þjóna undir stjórn Apollós og Lúminu eru tilbúnar til að halda áfram við að hækka vitundarstig alls jarðarlífs upp á Krists-stig sem svar við áköllum chela-nemanna. Þeir þurfa að kalla fram Appolló og Lúmínu, ásamt englunum sem þjóna í athvörfum Jófíels og Kristínar, drottins Lantós, guðsins og gyðjunnar Meru, drottins Gátama Búddha, drottins Himalaja, drottins Maitreya og Heimskennaranna vegna uppljómunar alls mannkyns. Allir eru jafn verðugir til að ná þessu fram með tilliti til hins gríðarlega verkefnis sem er fyrir höndum.

Logar elóhímanna

Logi Apollós er gylltur með blárri slikju. Virkni bláa logans er verndandi kraftsvið fyrir visku Krists. Hann fer á undan birtingu viskunnar í heimi formsins, sker í gegnum myrkviði mannlegra mistaka og misbeitingar orkunnar, og ryður brautina fyrir birtingu Krists-hugans. Logi Lúmínu er gylltur sem fylgir á eftir loga Apollós í birtingu hinna sjö þátta Krists-hugans.

Heimildir

Mark L. Prophet and Elizabeth Clare Prophet, The Masters and Their Retreats, “Apollo and Lumina’s Retreat”.