Athvarf Heros og Amoru
Elóhímar þriðja geislans, Heros og Amora, leiða orku hjartaorkustöðva plánetunnar í athvörfum þeirra sem staðsett er á ljósvakasviðinu uppi yfir Winnipeg-vatni, Manitóba, Kanada.
Lýsing
Kraftsvið þessa musteris og musterið sjálft eru hönnuð eftir mynstri blómstrandi lótuss með krónublöðum sem eru ekki að fullu sprungin út. Musterið er ferhyrnt, gert úr rósakvars, með risastórum krónublöðum sem rísa upp í hverju horni og í háum turni við innganginn. Frá efsta hluta hvers krónublaðs að miðjum hliðum musterisins teygjast tvö bönd úr málmlíku efni sem þjóna sem ljósleiðarar. Þrjár blaðlaga hurðir eru við inngang athvarfsins sem er í háu spírunni í miðju annarar af fjórum hliðunum.
Þegar við förum í gegnum innganginn niður miðlægan gang nálgumst við niðursokkið altari kærleiksgeislans. Hér logar bleikur skúfur kærleikslogans á miðri fyrstu hæð. Þrjár hæðir sem lækka niður á gólfið mynda skálina fyrir logann sem er umkringdur útskornum krónublöðum. Þrjár aðrar lífæðar ganga frá altarinu til krónublaðalaga kennslustofa sem eru innan ferninganna fjögurra sem fyrsta hæðin er jafnt skipt í.
Það eru fjórar hæðir í þessu athvarfi, önnur og þriðju hæðin samanstanda af hólfum sem notuð eru af rauðgulu logaenglunum sem þjóna hér og meisturunum sem eru oft í athvarfinu. Á efstu hæðinni er hásæti elóhímanna í stóru kringlóttu herbergi, áheyrendaherbergi, sem er eins og skífa í laginu með fallegum útskurði í steinveggjunum.
Út um allt athvarfið eru listform úr höggmyndum sem miðla virkni guðlegs kærleika til alheimsins, samloðandi krafti hans innan frumeindarinnar og í vetrarbrautum. Íhugun þessara skúlptúra fyllir vitundina skilningi á lögmálum kærleikans og virkni hans á öllum vitundarstigum því að höggmyndirnar endurspegla mynstrin innan frumeindarinnar og frumunnar þar sem innri lögmál Guðs eru áletruð. Þegar einstaklingurinn virðir fyrir sér þessa skúlptúra, tengist hann því sem hann veit nú þegar og hann verður að þeirri þekkingu með hugleiðslu.
Mikilvægi þessa athvarfs
Það er ákaflega þýðingarmikið að hafa athvarf elóhíma kærleikans í brennidepli guðlegs kærleika á vesturhveli jarðar. Þessi athvörf stýra örlögum Norður- og Suður-Ameríku. Geislun rauðgula logans frá hjarta Heros og Amora ásamt hjarta Samúels og Kærleika mynda kærleiksboga sem tengir athvarfið uppi yfir Winnipegvatni við erkiengil og kvenerkiengil þriðja geislans í Musteri kristal-rauðgula logans uppi yfir St. Louis, Missouri-fylki í Bandaríkjunum.
Þessi kærleiksbogi er fyrir sameiningu vesturhvels jarðar og innleiðingu nýs blómaskeiðs. Kanada og Bandaríkjum Norður-Ameríku er ætlað að vinna saman í algerri einingu í þeim tilgangi að verja vesturhvel jarðar gegn öllum ágangi og ánauð og öllum birtingarmyndum andkærleikans. Kanada, Bandaríki Norður Ameríku og Suður- og Mið-Ameríka er ætlað að mynda eina kosmíska virkni þrígreinda logans — visku sem er að finna í hjarta Bandaríkjanna, mikla hollustu og kærleika íbúa Suður- og Mið-Ameríku og í ótakmarköðum auðlindum sem máttargeislinn í Kanada hefur að geyma.
Heimildir
Mark L. Prophet and Elizabeth Clare Prophet, The Masters and Their Retreats, sjá “Heros and Amora’s Retreat”.