Jesús

Hinn uppstigni meistari Jesús Kristur. Avatar fiskaaldarinnar; Orðið sem varð hold, Alheims-Kristur; dæmi um sáttmála Krists-vitundarinnar sem börn Guðs áttu að hafa uppfyllt á tveggja þúsund ára öld fiskamerkisins; sá sem gerði sér grein fyrir fyllingu Krists-sjálfsins og var því kallaður Jesús Kristur. Hann kom til að opinbera öllu mannkyninu einstaklingssjálf Krists og sýna verk föðurins (ÉG ER nærverunnar) sem synir hans og dætur geta uppfyllt í og í gegnum loga hins einstaka Krists-sjálfs.

Uppstigni meistarinn Jesús Kristur

Jesús gegnir stöðu heimskennarans í helgiveldinu sem hann deilir með uppstigna meistaranum Kúthúmi sem var holdtekja heilags Frans.

Orðið sem varð hold

Jesús frá Nasaret var og er hinn lifandi Kristur vegna þess að hann var fylling Orðsins sem varð hold. Í honum er Guð í mynd hins þrígreinda loga krafts, visku og kærleika, þrenning föður, sonar og heilags anda, eyðandi helgur eldur – þrjár persónur í einni, ljós sem lýsir öllum þjóðum.

Hjá venjulegum karli og konu er þrígreindur logi 16 mm á hæð eftir hafa smækkað á tímum Nóa með boði frá Drottni. Jesús Kristur, leiðbeinandinn, kennir okkur hvernig við getum stækkað hinn þrígreinda loga í leynihólfi hjartans til að við getum fylgt breytni hans og orðið lifandi holdgervingar Orðsins. Hann sýnir okkur hvernig á að jafna krafta kærleiks, visku og máttar uns við erum umvafin þessari þrígreindu virkni hins helga elds og við verðum lifandi vitni föðurins, sonarins og hins heilaga anda.

Að verða logi Guðs er markmið lífsins. Jesús, frelsari mannkyns, er hér í dag til að kenna okkur veginn, til að kenna okkur að ÉG ER (SÁ SEM ÉG ER) vegurinn, sannleikurinn og lífið.

Fyrri jarðvistir

Jesús kom fyrst til jarðar sem sjálfboðaliði með Sanat Kumara og hann hefur haft endurfæðst mörgum sinnum á jörðinni eftir það.

Stjórnandi á gullöld Atlantis

► Aðalgrein: Gullöld Jesú Krists á Atlantis

Í einu æviskeiða sinna ríkti Jesús sem keisari og æðstiprestur á gullaldarskeiði í hinu horfna meginlandi Atlantis sem kennt var við tímabil krabbamerkisins og stóð yfir í tvö þúsund ár frá 34.500 f.Kr. f.Kr. til 32.550 f.Kr.B.C Jesús tók við völdum 33.000 f.Kr. eftir að gullaldarskeiðið hafði verið við lýði í meira en 15.000 ár. Maki hans og tvíburalogi, sem nú er uppstigni kvenmeistarinn Magda, betur þekkt sem María Magdalena. Þau réðu ríkjum vegna þess að þau voru æðstu fulltrúar Guðs á jörðu í þessari siðmenningu. Öll þjóðin þekkti vilja Guðs og fór eftir honum. Jesús og Magda þurftu því ekki að framfylgja lögum og reglum með valdboði þar eð þjóðin var í samhljómi við guðlegu uppsprettuna.

Eftir að hinn ódauðlegi Jesús hafði ríkt í 450 ár við góðan orðstír sáði æðsti ráðgjafi keisarans, Xenos, fræjum spillingarinnar í huga fólks. Vegna virðingarstöðu sinnar var hlustað á hann. Að lokum fékk Xenos talið fólkið á að gera uppreisn gegn ríkisstjórninni (sem Jesús var persónugervingur fyrir) vegna þess að svo átti að heita að stjórnin væri ekki að þjóna þjóðinni. Xenos sölsaði undir sig völdin og gerðist leiðtogi stjórnarinnar. Jesús og Magda og tvær milljónir dyggra þegna af tuttugu milljóna þjóð fluttu búferlum til lands sem síðar varð nefnt Suern – þar sem nú er Indland og að hluta til Arabía. Helmingur þegna Jesú sem fóru með honum til Suern gekk í gegnum uppstigninguna á þessum tíma. Hinn helmingurinn hefur haldið áfram að endurfæðast á jörðinni fram á þennan dag.

Aðrar jarðvistir á Atlantis

► Aðalgrein: Gullöld Jesú Krists á Atlantis

Eftir hallarbyltinguna á Atlantis þar sem Jesús var hrakinn frá völdum hnignaði gullaldarsiðmenningunni smám saman uns stjórnleysi, villimennska og gripdeildir urðu allsráðandi, svo að völdin runnu að lokum úr greipum Xenos. Þetta hnignunarskeið ríkti frá 30.000–16.000 f.Kr. uns hin mikla siðmenning Póseids rann upp.

Jesús birtist aftur í efninu á Atlantis og annars staðar á hnettinum þar sem hans var þörf ef gott karma fólksins og trúfesti við guðdóminn réttlætti guðlega íhlutun hans. Um það bil 15000 árum f.Kr. sneri Jesús aftur sem Rai, keisari Atlantis. Eins og Tíbetinn Phylos hefur lýst í bók sinni, Íbúi tveggja hnatta, birtist þessi mikli Rai í musteri höfuðborgarinnar, Caiphul, og varð þess valdandi að uppspretta varð til sem nefnist Maxín, þ.e. eldur sólguðsins Incal sem hluti afkomenda Atlantis, Inkarnir í Suður-Ameríku, röktu trú sína til. Þessi ókynti eldur logaði á altari musterisins í samfleytt 5000 ár. Rai ríkti í 434 daga. Hann endurskoðaði lögin og kom á fót lagabálki sem Atlantis var stjórnað eftir á næstkomandi þúsund árum.

Eftir að hin síðari gullöld á Atlantis hafði staðið lengi yfir varð siðmenningin að lokum falsprestum að bráð. "Drottinn sá nú að illska mannanna var mikil orðin á jörðinni og að allar hneigðir þeirra og langanir snerust ætíð til ills." Atlantis sökk í sæ í miklum náttúruhamförum sem hafa verið skráðar sem Nóaflóðið.

Abel og Set

Í frásögninni um Adam og Evu fæddist Jesús sem sonur þeirra Abel, bróðir Kains. Drottinn gaf gaum að Abel en leit ekki við Kain. Kain varð afbrýðissamur og drap bróður sinn. Adam kenndi enn konu sinnar og hún ól son og kallaði hann Set.

Og þegar þessum Set fæddist sonur, Enos, er ritað: “Þá hófu menn að ákalla nafn Drottins.” Þannig átti sér stað endurfæðing og endurnýjun hins andlega sæðis Krists í Set – hinum endurfædda Abel – sem gerði sonum og dætrum Guðs kleift að öðlast á ný aðgang að hinni máttugu ÉG ER-nærveru fyrir meðalgöngu Jesú Krists.

Jósef, sonur Jakobs

Jesús endurfæddist sem Jósef, sonur Jakobs. Bræður hans seldu hann í ánauð í Egyptalandi, þeir sömu sem endurfæddust sem lærisveinar hans. Í Egyptalandi hlotnaðist honum mikil heiður og völd og var hann settur yfir Egyptaland eftir að hafa ráðið draum faraósins.

Jósúa

Jesús kom aftur sem Jósúa, sonur Núns, sá er felldi múra Jeríkó-borgar og leiddi Ísraelsmenn inn í fyrirheitna landið.

Jósúa var voldugur herforingi sem á sér fordæmi í sögu Drottins Krishna sem tók þátt í bardögum ljóssins til að sigrast á kyni myrkursins.

Davíð konungur

► Aðalgrein: Davíð konungur

Sem Davíð orti hann sálmana: „því að þú ofurselur helju ekki líf mitt, sýnir ekki gröfina þeim sem treystir þér.“

Jesús endurfæddist sem Davíð konungur (1043–973 f.Kr.), einn ástsælasti og virtasti leiðtogi Gyðinga sem uppi hefur verið. Í fyrstu Samúelsbók segir frá því er hann felldi risann Golíat með slöngvu og steini. Spámaðurinn Samúel vígði hann sem eftirmann Sáls. Davíð óx í tign og metorðum uns hann varð konungur yfir öllu Ísrael og sameinaði alla kynþættina tólf í eina þjóð og færði stórlega út landamærin. Hann gerði Jerúsalem að höfuðborg og skrínlagði sáttmálsörkina þar.

Elísa elur upp son Súnammíta, eftir Benjamín West (1766)

Elísa

► Aðalgrein: Elísa

Hann var Elísa, lærisveinn Elía, þess sem steig upp til himna. Síðar fékk Elía sérstaka undanþágu til að endurfæðast aftur sem Jóhannes skírari og greiða veginn fyrir köllun Jesú í Galíleu.

Avatar á öld fiskamerkisins

Jesús endurfæddist í síðasta sinn eftir að hafa staðist margar vígslur í austur- og vesturlenskum æviskeiðum sínum; samt hélt hann því litla hlutfalli af karma sem þurfti fyrir köllun hans sem hann hafði jafnað um það bil þegar hann yfirgaf Palestínu þrjátíu og þriggja ára að aldri. Jesús endurþekkti gúru-meistara sinn Elía í Jóhannesi skírara sem var „kominn aftur“ til að greiða veg chela-lærisveins síns.

Jóhannes skírari sagði um Jesú: „Hann á að vaxa en ég að minnka.“ Gúrú-meistarinn vék til hliðar vegna þess að það var samkvæmt hinum nýja sáttmála fiskaaldar. Og þannig myndi Jesús nú vaxa í Drottni til að vera þessi avatar á þessum nýja tíma.

Á aldrinum tólf til þrítugs lærði Jesús bæði í ytri og innri Uppstigningarmusteri Bræðralagsins í Lúxor og í Himalajafjöllum. Serapis Bey, yfirstjórnandi og æðsti prestur Upprisumusterisins í Lúxor, Egyptalandi, hefur lýst því hvernig meistarinn Jesús kom til Lúxor sem mjög ungur maður og kraup frammi fyrir æðstaprestinum „hafnaði öllum heiðursveitingum sem honum var boðið“ og bað um að hljóta vígslu í byrjunargráðu hins andlega lögmáls og launhelga. „Ekkert stolt spillti fyrir sýn hans — engin metorðagirnd né rangar væntingar þó hann hefði vel getað vænst þess að hljóta æðstu heiðursmerki.“

► Aðalgrein: Þöglu árin í ævi Jesú

Handrit sem lýsa ferð Jesú til Austurlanda eru enn varðveittar í klaustri í dal í Ladakh í Kasmír. Á Indlandi lærði hann undir hinum Mikla guðdómlega stjórnanda, drottni Maitreya og drottni Himalaja. Það var hér sem hann fékk lykilmöntrur fyrir trúboð sitt sem hann kenndi lærisveinum sínum síðar. Sumar af þessum möntrum eru innifaldar í „Ummyndandi staðfestingum (The Transfiguring Affirmations)“ sem meistarinn Jesús las fyrir Mark Prophet.

Eftir að hafa verið félagi í reglu Sadkíels fyrir síðustu jarðvist sína hafði Jesús lært vísindin um áköll og alkemíu. Þessi þekking gerði honum kleift að breyta vatni í vín, lægja vötnin, lækna sjúka og reisa upp dauða.

Eftir krossfestingu sína og upprisu fór Jesús til Kasmír þar sem hann bjó til áttatíu og eins árs aldurs. Í lok þess lífs gekk hann í gegnum uppstigningu sína í ljósvakahvarfinu í Shamballa.

Heimsfræðari

► Aðalgrein: Heimsfræðari

Eftir uppstigningu sína varð Jesús chohan-meistari sjötta geislans. Þegar Sanat Kumara sneri aftur til plánetunnar Venus 1. janúar 1956 tók Jesús við stöðu heimsfræðarans í stað drottins Maitreya sem varð Búddha jarðarinnar.

Köllun hans í dag

Jesús kallar okkur inn á veg lærisveinsins undir verndarvæng uppstiginna meistara. Hann hefur látið frá sér runu ákalla á þessari braut, birt í bókinni Walking with the Master: Answering the Call of Jesus. Jesús segir við þá sem myndu vilja vera lærisveinar hans á vatnsberaöldinni: „Enginn á meiri kærleik en þann að leggja líf sitt í sölurnar fyrir vini sína." Blessuð, þetta er ekki tal um dauðann heldur lífandi líf sem lifað er — lifað sannarlega til að færa öllum eld hjarta míns. Þetta er merking þess að vera lærisveinn sem er kallaður postuli, verkfæri og boðberi ljóssins, flytjandi þess ljóss til vegs uppstigningarinnar.

Athvörf

► Aðalgrein: Upprisumusterið

► Aðalgrein: Arabíska athvarfið

Athvar Jesú er Upprisumusterið, staðsett í ljósvakasviðinu uppi yfir Landinu helga. Hann þjónar einnig í Arabíska athvarfinu í Arabíueyðimörkinni norðaustur af Rauðahafinu.

Útgeislun Krists má draga fram með því að spila einkennislag hans, „Gleði til heimsins“.

Sjá einnig

Magda

Jesús og María Magdalena

Þöglu árin í ævi Jesú

Jósef af Arímaþeu

Til frekari upplýsinga

Elizabeth Clare Prophet, The Lost Years of Jesus: Documentary Evidence of Jesus’ 17-Year Journey to the East

Mark L. Prophet and Elizabeth Clare Prophet, Lost Teachings of Jesus: Missing Texts • Karma and Reincarnation

Elizabeth Clare Prophet and Staff of Summit University, Walking with the Master: Answering the Call of Jesus

Heimildir

Hartmann Bragason, Austurlenskar rætur kristninnar. Upprunalegar kenningar frumkristninnar og guðfræði nýja tímans. Bræðralagsútgáfan, 2022.

Mark L. Prophet and Elizabeth Clare Prophet, Saint Germain On Alchemy: Formulas for Self-Transformation.

Mark L. Prophet and Elizabeth Clare Prophet, The Masters and Their Retreats, sjá “Jesús.”

Jesus and Kuthumi, Corona Class Lessons: For Those Who Would Teach Men the Way, bls. 416.

Pearls of Wisdom, 46. bindi, nr. 34, 24. ágúst, 2003.

Jesus and Kuthumi, Corona Class Lessons: For Those Who Would Teach Men the Way.

Elizabeth Clare Prophet, 7. október, 1984.