Stigveldi sjöstirnisins

"Auðvelt er að sjá Sjöstirnið með berum augum á heiðskírri nóttu og það lítur mjög vel út í handsjónauka ... Sjöstirnið er ung stjörnuþyrping, líklegast innan við 100 milljón ára ..." Þyrpingin er staðsett í stjörnumerkinu Nautinu í fjögur hundruð ljósára fjarlægð frá jörðu og hefur hornstærð nokkru stærri en tunglsins. Af fimm hundruð stjörnum í hópnum eru sex vel sjáanlegar með berum augum. "[Hún] er umlukin bláleitu þokuskýi sem lýsist upp vegna endurvarps frá stjörnum Sjöstirnisins. Slík þoka kallast endurskinsþoka. Bjartasti hluti þokunnar er við stjörnuna Merópu.

Sjöstirnið

Minnst er á þyrpinguna í Illíonskviðu Hómers frá um 750 f.Kr. og í Ódysseifskviðu sem skrifuð var tæpum þrjátíu árum síðar. Í biblíunni er þrisvar sinnum minnst á Sjöstirnið, tvisvar í Jobsbók (9:9 og 38:31): ... Þessar stjörnur eru frá fornu fari sjö dætur Atlasar og Pleiónu þekktar sem systurnar sjö. Goðsögnin segir að sú sjöunda (Merópa) hafi dofnað af skömm eftir samneyti við dauðlegan mann." Systurnar beina sjónum að sjö geislum hins guðlega kvenleika. Í okkar hluta alheimsins er sjöstirnið aðsetur Stóra hvíta bræðralagsins.

Árið 1970 tilkynnti elóhíminn Syklópea að stigveldi Pleiönu hefðu veitt ívilnun til að birta guðlega frumsnið jarðarplánetunnar. Syklópea sagði:

Í krafti elóhíms er þessa nótt verið að færa orkusvið hins Mikla bláa orsakalíkama á þennan plánetulíkama. Og með uppsöfnuðum krafti allra þessara stigvelda og herskara ljóssins mun farvegur fyrir sigurinn færast yfir á þessi plánettuheimkynni ... Ég, Syklópea, hef séð sýnina. Og þessi sýn um framtíðarsigur, hins núverandi veruleika, mun eyða öllum fortíðarbrestum ef menn taka sig saman um að samstilla sig hinum miklu sköpunaráformum Guðs ...

Þetta kvöld útlista ég fyrir ykkur sýn hinnar heilögu borgar, hinnar stórkostlegu Ferhyrndu borgar, guðdómlega ríkisins sem mun færast yfir jörðina samtímis því sem þið viðhaldið loganum. Og hvenær sem þið hafið fregnir af vandamálum, kreppum, um óréttlæti í fréttamiðlum ykkar, þá kalla ég í krafti elóhíms í nafni almáttugs Guðs fyrir atbeina hins heilaga Krists-sjálfs ykkar að þessi sýn um Ferhyrndu borgina muni leiftra frá vitund ykkar inn í heiminn, inn í þær aðstæður, inn í vandamálasvæðin sem guðdómlegur farvegur fyrir hinn kosmíska ferning, þessa ferhyrndu borg sem er lausnin að sigri hvers manns, lykillinn að uppstigningu sjálfrar plánetunnar.

Og svo segi ég í krafti hins Volduga sigurvegara, í krafti þessarar sexodda stjörnu guðlegs jafnvægis sem að ofan svo að neðan, með krafti hins alsjáandi auga [Syklópea] sem smýgur inn í miðju þeirrar stjörnu beini ég inn í vitund ykkar sýn þessarar kosmísku ferhyrndu borgar þetta kvöld og festi [sýnina] í ykkar eigin þriðja auga ...

Sá beinir er öflugasta myndin sem hægt er að draga fram til að birta Krist og ríki Guðs á þessari jörðu. Það inniheldur fullan kraft Heims-móðurinnar og guðdómlega farveg hennar fyrir allan efnisheiminn til birtingar Krists.

Þess vegna hvatti elóhím alla til að verja sýn sína gegn ...

... hræðilegum sviðsmyndum sem fjölmiðlarnir varpa í gegnum sjónvarpið, í gegnum kvikmyndirnar ... Látið Alsjáandi auga Guðs smjúga í gegn til að ganga úr skugga um hvað er að gerast í heiminum, til að ganga úr skugga um stöðu myrkraaflanna. Og varpið þá hinum kosmíska teningi á þau og stimplið og innsiglið staðinn þar sem illskan býr með krafti hins hæsta Guðs. Allt helgivald og stigveldi Sjöstirnisins stendur á bak við þessa tilraun til að gjörbreyta hnettinum með krafti hins Alsjáandi auga Guðs. Þess vegna, segi ég, færi ég ykkur lausnina: Kallið til Sjöstirnisins og stigveldi þess. Það eru milljónir kosmískra vera með sitt kosmíska föruneyti sem kemur fram sem svar við bænum ykkar, milljónir kosmískra Krista sem munu birta þennan guðlega frumdrátt.

Heimildir

Mark L. Prophet and Elizabeth Clare Prophet, The Masters and Their Retreats, sjá “Pleiades, Hierarchies of the”.