Frjálsræðisgyðjan

Styttan Frelsisvopnið notar frelsisgyðjan til að beina geisla sínum að bandaríska þinghúsinu

„Frelsisgyðjan“ táknar hinn kvenlega þátt frelsisins á jörðinni. Hún er kosmísk vera sem hefur viðhaldið frelsisloganum í þúsundir ára. Þjónusta hennar er innt af hendi í Royal Teton athvarfinu, þar sem hún leiðbeinir nýjum sálum um hvernig eigi að viðhalda hreinleika frelsisvitundarinnar á meðan þær eru jarðbundnar. Hún hefur komið fyrir ljósbeini í styttu sinni, í hinni sex metra háu bronsstyttu sem nefnist Vopnavígbúnaður frelsisins sem krýnir hvelfingu bandaríska þinghússins.

Fyrri jarðvistir

Árið 1992 ræddi frelsisgyðjan um jarðnesk æviskeið sín:

ÉG ER guðdómleg frelsismóðir. Ég hef lifað í margar aldir. Ég hef séð þrældóm. Ég hef upplifað harðstjórn. Ég hef upplifað vald sem er alfarið í höndum illra afla. Þið haldið að réttindi ykkar séu troðin undir fótunum smávegis hér og smávegis þar. Jæja, ég segi ykkur, ástvinir, frelsið á eftir að verða ævintýralegt á jörðinni, í sögulegu samhengi, sem á sér ekki sinn líka frá liðnum gullöldum.

Ég hef lifað tímana tvenna þegar frá því ég var undir ægisvaldi grimmustu harðstjóra. Og með logann í hjarta mínu ákvað ég, djúpt í mínu hjarta, að ég yrði frjáls, að ég myndi komast undan oki þessara föllnu engla. Ég vissi hverjir þeir voru, ég þekkti þá og þeir þekktu mig. Þess vegna hnepptu þeir mig í þrældóm og veittust að mér af þvílíkri grimmd sem þið getið ekki ímyndað ykkur. Það var erfitt að sannfæra þjáningabræður mína um illsku hinna föllnu eða að við yrðum að sameinast um að steypa þeim af stóli.

Það voru myrkir tímar á jörðinni, þegar jörðin gekk í gegnum Kali Yuga, og upplifunin var að myrkrið varð dimmara, rétt eins og þið [upplifið það í nútímanum] sums staðar. En vissulega er að birta til í hjörtum ykkar og í Hjarta innra athvarfsins.

Ég segi ykkur, maður verður ekki frelsisgyðja án þess að berjast gegn öllum andfrelsisöflum á öllum stigum efnisheimsins. Já, mín ástkæru, titillinn „gyðja“ þýðir að ég hef hitt fyrir og sigrað alla harðstjóra sem hafa nokkurn tímann vogað sér að ráðast á mig!

Þegar ég var nýgræðingur tapaði ég nokkrum orrustum, en ég lagði mig fram um að tryggja að það kæmi ekki aftur fyrir. Og þannig, í hverri einustu orrustu og einvígi gegn myrkraöflunum lærði ég að þekkja sprungurnar í eigin brynju. Og í hvert einasta skipti hét ég mér: „Þetta er í síðasta skipti sem þú verður sigruð á sama veg!“ Og ég sagði við óvininn: „Þú munt ekki finna veikleika í vörn minni aftur!“

Ég mæli með þessu fyrir ykkur, ástvinir. Finnið þessa galla! Finnið þessa veikleika! Gerið þá að mesta styrkleika ykkar. Vanvirðið ekki Guð sem býr í ykkur með því að láta óvininn sigra ykkur „tvisvar“, jafnvel þeim sama sem dulbýst á margan hátt í mörgum ólíkum einstaklingum.

Já, kæru vinir, greinið hugann, vitundina og hjartað. Styrkið tilveru ykkar. Jafnið hjartalogann. Finnið Jafnvægið í því sem þið innbyrðið. Og látið ekki grípa ykkur í bólinu á veikleikastundu, hvort sem þið eruð vakandi eða sofandi (sem þýðir að þið séuð úr jafnvægi) sem verður til þess að þið eftirlátið hinum föllnu að ná fram vilja sínum og koma böndum á ykkur og troða ykkur um tær.

Já, ástkærir vinir, þeir berjast þangað til yfir lýkur, sinna eigin endaloka, og þeir vita að endalok þeirra nálgast. Þetta eru Þeir sem hafa engu að tapa. „Þið eruð þau sem hafið öllu að tapa – lífi ykkar, sál ykkar, árangri ykkar um allar aldir og uppstigningu ykkar í ljósinu, guðdómlegri áætlun ykkar, köllun ykkar, ástæðu þess að þið eruð hér á jörðu.

Þinghúsið í Bandaríkjunum

Frelsisloginn í jörðinni

Frelsisgyðjan mælti:

Ég man daginn þegar boðberinn fann mig í styttu minni sem er fyrir ofan þinghús þjóðarinnar. Og ég man eftir því hvernig hún tók mig sér í hjartastað og viðurkenningu hennar á mér sem meira en styttu heldur reyndar sem holdtekju alheimsfrelsis fyrir öll heimskerfi. Og ég er þakklát fyrir að hugsunargervi nærveru minnar hafi í raun fundið leið sína að hvelfingu þinghússins.

Ykkur að segja, kæru vinir, hef ég verið undir reglu Sólar-logosins í æðri áttundarvíddum — æðri áttundarvíddum en þið gerið ykkur í hugarlund. Og aðeins öðru hvoru hefur mér verið leyft að láta hendur standa fram úr ermum og blanda mér í samskipti við syni og dætur frelsisins á jörðinni.

Jæja, hjartans vinir, ég er ekki aðeins kölluð heldur er ég boðuð að fara niður á þetta áttundarsvið jarðar, niður á stig Hjarta innra athvarfsins sem er í samtstillingu við Vestur-Shamballa.

Ég er því kominn til að ljá alla veru mína, allan orsakalíkama minn, „allt“ sem ÉG ER fyrir Saint Germain og Porsju, fyrir Frelsisgyðjuna, fyrir alla [sem eru] af sjöunda geislanum og sérstaklega fyrir ykkur öll sem ég elska svo innilega!...

Þið verðið vör við viðbrigðin þegar þið finnið fyrir Frelsisgyðjunni í landinu. Þið munuð sjá hvernig frelsið verður mishöndlað þegar meira frelsi verður á jörðinni. Þess vegna segi ég ykkur, takið hina föllnu föstum tökum sem misnota frelsið! Þetta er það traust sem Sólar-logosinnhefur til Vörslumanna logans. Þetta traust bera Karmadrottnarnir til ykkar: að þið munið kallið eftir því að þeir sem misnota frelsið á allan hátt verði færðir í bönd.

Þið hafið séð gereyðileggingu skella á Suður og miðhluta Los Angeles-borgar. Þið hafið séð frelsislogann brenglast í mótmælum sem hefði átt að nýtast til aukinna réttinda einstaklingsins, til frelsis og til stóraukinnar löggæslu. Já, ástvinir, þið hafið séð niðurbrotna einstaklinga vegna þess að þeir hafa ekki staðið sig í stykkinu.

En, kæru vinir, hvílík synd að fólkið skuli ekki hafa kenningar [hinna uppstignu meistara á reiðum höndum] og því hefur það ekki vit á öðru en að grípa til eyðileggingar! Ímyndið ykkur að þessi kraftur yrði haminn, honum beint í ákveðinn farveg með því að ákalla fjólubláa logann, kallað á að böndum yrði komið á jaðarbúa hina föllnu og þeirra sem valda því að smáfólkið lúti á óréttmætan hátt kerfum og aðstæðum sem leyfa ekki sálum þeirra að blómstra, anda þeirra innblásast af guðlegum meginreglum og mennta huga þeirra svo að það sé ekki heimilislaust, það sé ekki háð velferðarkerfinu og það sé ekki neðst á samfélagsstiganum....

Áskæru vinir, fjólublái loginn er úrlausnin! Og náttúruöflin myndu njóta góðs af honum ásamt fólkinu ef það kæmi ekki til misbeiting á frelsinu. Þess vegna megið þið sem þekkið vísindin um geislana sjö og orkustöðvarnar ekki undanskilja sverð Mikaels erkiengils, og láta hjá líða að kalla daglega á Astrea til að binda myrkraöflin sem myndu einfaldlega standa á blístri þegar þau komast upp með að misnota fjólubláa logann sem möntrufyrirmælin ykkar leysa úr læðingi [ef þið kallið ekki til aðstoðar Astrea og Mikaels] og skapa þar með meira karma [vandræði] fyrir Saint Germain og Porsju.

Ég tala til allra Vörslumanna logans í heiminum: Látið vörslu ykkar á loganum margfalda logann ykkar. Breiðið út kenningarnar, styðjið aðrar sálir og komið ykkur í skilning um að myrkraöflin ráðast einnig á þær. Þið verðið að kalla eftir vernd þeirra. Þið verðið að kalla eftir því að jaðarbúi þeirra verði bundinn ásamt öllum illum öflum í kringum þær sem myndu koma í veg fyrir að þær njóti góðs af þessu mikilfenglega tækifæri sem í boði er.

Ég kem ekki ein, hjartans vinir. Gyðja ferðast aldrei ein síns liðs! Ég kem í samfylgd ógrynni hersveita, milljóna engla alheimsfrelsisins í þjónustu hinnar guðdómlegu frelsismóður sem ÉG ER.

Þess vegna hefur jörðin fengið nýja gesti sem taka sér bólfestu hér svo framarlega sem Vörslumenn logans halda áfram að kalla fram loga [frelsisins]. Og ef þið þreytist á því að kalla hann fram, þá bið ég ykkur [vinsamlegast] um að draga ekki úr því að syngja lög hans. Þau eru lofsöngvar. Þau opna hjörtu ykkar. Þau hreinsa girndar[líkamann (geðlíkamann)] og tilfinningarnar. Að syngja frelsislög fyrir frelsisverur, ástkær, er besta leiðin til að halda girndarlíkama plánetunnar í skefjum....

Ég ER Gyðja frelsisins. Ég hef margt að segja ykkur. Ég mun segja ykkur ýmislegt, hverjum og einnum í eigin persónu. Ég mun segja ykkur það í athvörfunum; ég mun segja ykkur það þegar ég geng við hlið ykkar. Ég margfalda mig, eins oft og þörf krefur, án þess að útvatna mig. Því ég ER Gyðja frelsisins. Minn tími er kominn. Ykkar tími er kominn. Við erum liðsfélagar! Förum áfram og leikum til sigurs!

Sjá einnig

Vopnað frelsi

Heimildir

Mark L. Prophet and Elizabeth Clare Prophet, The Masters and Their Retreats, “Frelsisgyðjan.”