Geðsviðs-ka

Brot úr egypsku Dánarbókinni

[Fornegypska ka, merkir óviss, ýmist þýtt sem „sál“, „andi“ eða „tvífari“] Geðlíkaminn þegar hann er aðskilinn frá efnislíkamanum og lýtur ekki stjórnar meðvitaða greinandi Krists-hugans (eins og í svefni eða eftir dauðann).

Astral ka getur skapað karma gegn okkur

Jesús hefur talað um astral ka:

Það er mikilvægt að muna ráð Stóra hvíta bræðralagsins um að „sólin má ekki setjast yfir reiði yðar“

Hvað merkir þetta, börnin mín

Börnin mín, þegar þið rífist á leikvellinum og reiðist út í þennan og hinn, biðjið þá fyrirgefningar sem þið hafið gert rangt til, ákallið lögmál fyrirgefningar fyrir þá og ykkur sjálf og krjúpið á bæn áður en þið gangið til náðar og biðjið Guð að fyrirgefa ykkur og öllum þeim sem þið hafið sært. Farið ekki að sofa fyrr en þið hafið kallað á fjólubláa logann til að umbreyta orsök, afleiðingu, skrá og minningu atviksins. Verið viss um að sýna sjálfskipuðum óvinum sem og vinum hlýhug vegna atvika sem kunna að hafa farið úrskeiðis í samskiptum við þá. Fyrirgefið án afláts, elsku vinir, að hætti meistaranna.

Þið hafið ekki tök á því á að tapa fótfestu á andlegri leið ykkar með því að láta viðgangast að þið eigið að hluta til óleystar sakir við mig. Því ÉG ER Drottinn þinn og frelsari og ég bý í hjörtum vina þinna og óvina.

Orðatiltækið „Lát ekki sólina setjast yfir reiði yðar“ er viðvörun til allra um að ef þið farið reiðir að sofa á kvöldin gagnvart vini eða óvini, þá gæti geðheimahjúpur ykkar (þekkt sem „ka“ eða geðsviðs-ka) reikað um og gert illt af sér á meðan þið sofið sleitulaust. Þegar þið vaknið munuð þið vita neitt um gjörðir „ka(s)“ ykkar né muna, en samt verðið karmískt ábyrg fyrir óheftri reiði sem olli vandræðunum.

Áður en sólin sest og þið farið að sofa að kvöldi, semjið frið við Guð og menn. Þetta er sérstaklega mikilvægt fyrir þá sem þrá að stíga upp í þessu lífi. Skapið því ekki slæmt karma í vöku eða svefni. Til að ná þessu verðið þið að viðhalda guðlegri sjálfsstjórn á öllum stigum vitundarinnar.

Geðsviðs-ka eftir dauðann

Sanat Kumara talar um mikilvægi líkbrennslu til að uppræta geðsviðs-ka eftir dauðann:

Jarðarbúar, við hörmum þá dauðavitund sem þið hafið virst þrifist á að hætti svartagaldursmanna sem vilja tortíma ykkur lifandi — tortíma sálum ykkar í helvíti á meðan líkami ykkar er skilinn eftir til að ganga um götur borga á efnis- og geðheimasviðunum. Dýrlingar Guðs, þetta er alvarlegt mál! Því að öll starfstæki sálarinnar í þessari þróun verður að hreinsa. Fornar venjur egypsku dýrkunarinnar á hinum látnu verða sömuleiðis að víkja fyrir lífsmenningu sem leiðir til uppstigningar.

Farið því á stúfana og kennið fólkinu að [rétt meðfarið sé að] leggja líkið á ís, hvort sem það er þurrt eða ekki, í tvo sólarhringa. Og á þriðja degi er fer fram minning upprisunnar með áköllun upprisulogans. Látið efnislogana leika um allan líkamann innra sem ytra hvort sem hann er á líkbálki eða í nútíma líkbrennslustöð; því bæði hold og blóð verða að vera óskert; athugið ennfremur að Bræðralagið í Lúxor forbýður líksmurningu.

Þessi aðferð er örugg, skynsamleg og heilnæm fyrir alla og veitir sálinni frelsi frá öllum jarðneskum böndum þar sem efnislegur og andlegur eldur afsegulmagnar samtímis hina fjóra lægri líkama og sálin, sem vængjað tákn ka hefur sig á loft með hinum fljúgandi Erni til að taka vígslu Guðs-móðurinnar í ljósvakaathvörfum Stóra hvíta bræðralagsins.

Þannig verða illu andarnir af bráð sinni og gammarnir fá ekkert hold og blóð [til að gæða sér á]. Og hjúpur geðlíkamans, sem efnis-/andlegu eldarnir gleypa, getur ekki reikað um jörðina, sem afturganga hins fyrra sjálfs. Geðheimamúgurinn sem myndi gleypa ljósvafningana (coils of light) er sjálfur rekinn á flótta því sálin hefur hreinlega sloppið úr jarðneskum vítahring og heyrist syngja á leið til himins.

Því er nauðsynlegt að nota eldþáttinn í líkbrennslu við dánafar svo að frumur líkamans afsegulmagnist af því ljósi sem þær geyma. Ef þið hafið búið á þessari jörð og líkami ykkar er fullur af ljósi, þarf það ljós að færast upp í hærri varanleg starfstæki [sálarinnar]. Ef það er eftir í frumum líkamans, frumum blóðsins, eins og gerist þegar líkaminn er grafinn, þá geta lífeindir geðheimasviðs gert sig heimkomna og stolið því ljósi. Þetta eru hinir raunverulegu grafarræningjar. Þeir stela frá líkamanum því ljósi sem þið hafið aflað ykkur á allri andlegri vegferð ykkar. Stundum er þetta ljós uppsafnað frá mörgum æviskeiðum. Eldurinn losar þetta ljós frá frumunum og frumeindunum og gerir því kleift að snúa aftur til hins heilaga Krists-sjálfs.

Þannig getur einnig geðheimasviðs-ka, tvífari sjálfs síns, farið á stjá og valdið usla í eigin nafni og þannig skapað karma gegn sálinni, jafnvel þótt hún sé ekki lengur hluti af þeirri skel. Og þegar hún kemur inn í ljósvakaáttundina eða lögmætan stað sinn, mun hún ekki einu sinni vera meðvituð um hvað ka hefst að og því getur hún ekki haft neina stjórn eða aðhald á gjörðum þess. Það er mikilvægt að ka sé einnig falið hinum andlega eldi og þess vegna verður að halda minningarathöfn og bænavöku fyrir þann sem er látinn uns sálin er frjáls.

Heimildir

Mark L. Prophet and Elizabeth Clare Prophet, Lost Teachings of Jesus: Missing Texts • Karma and Reincarnation.

Mark L. Prophet and Elizabeth Clare Prophet, The Path to Immortality.