Gabríel og Von
Gabríel er erkiengill og Von er kvenerkiengill af fjórða geisla upprisunnar og uppstigningarlogans. Ásamt englum hreinleikans og serafanna standa þessir tvíburalogar vörð um hina flekklausu ímynd um hönnun Guðs fyrir hvern karl, hverja konu og hvert barn á jörðinni.
Engill boðunarinnar
Gabríel er boðunarengillinn sem heilsaði Maríu guðsmóður með orðunum: „Heil vert þú, sem nýtur náðar Guðs! Drottinn er með þér, blessuð ert þú meðal kvenna.“[1] Gabríel heilsar hverri verðandi móður með fagnaðarerindinu um komu Krists sem hún hefur þau forréttindi að undirbúa líkamsmusterið fyrir. Hann setur rafrænt snið Krists-sjálfs komandi barns í áru móðurinnar til þess að náttúruvera líkama móður og barns, undir stjórn Krists-sjálfs þeirra, geti tekið höndum saman að koma fram hinu fullkomna formi. Englasveitirnar vinna með foreldrum að því að jarðtengja í barninu æðstu og bestu hæfileika sem þroskaðir voru í fyrri lífum og geymdir í orsakalíkamanum.
Þó að flestar konur á plánetunni nú til dags séu ekki í takt við hina háu vitund Gabríels um hreinleika og heyri því ekki rödd hans, þá kemur sá tími að allir verðandi foreldrar munu heyra boðun hins niðurstígandi Krists og þau munu vita að það að bera sál sem send er frá Guði til að uppfylla örlög sín er há og heilög köllun, ábyrgð sem hæf hjón ættu ekki að víkja undan.
Gabríel varar við því að herferðin til að takmarka fólksfjöldann sé samsæri Andkrists til að svipta sálir tækifæri til að vinna til uppstigningu sinnar. Þeir sem boða eða hlýða á lygar varðandi stjórnun á fólksfjölda gætu fundið fæðingargáttirnar lokaðar fyrir þeim þegar þeir leita næst til karmadrottnanna um endurfæðingu.
Upprisan
Gabríel og Von tileinka sér hreinleika hvers lífsstraums og hinn hreina tilgang Guðs fyrir hverja sál. Vonin fyllir foreldrana eftirvæntingu, gleði, eldmóði og minningu um markmið hvers lífsstraums: uppstigningu í ljósinu.
Gabríel langar að deila með okkur dýrmætum minningum sínum um upprisumorguninn fyrir næstum tvö þúsund árum. Hann segir:
Kæru dömur og herrar, ég ætla nú að skrolla hinar miklu akasha-annála og sjá fyrir mér enn og aftur þennan dýrlega morgun þegar ég steig niður í gegnum ljósvakann í fylgd heilagrar englasveitar minnar til að kveikja vonarneista í hjörtum hinna eftirvæntingarfullu ástkæru lærisveina Krists með því að velta steininum frá gröfinni sem dýrmætur líkami hans lá í.
Það var engin áreynsla og er engin áreynsla fyrir englaveru að hreyfa við efni þegar guðdómurinn gefur henni kraftinn. Og steinninn stóð ekki í vegi fyrir ljósinu frá fingrum mínum. Þegar ég þrýsti á hann eitt augnablik, datt mér í hug að þegar ég velti þessum steini frá mér myndi ég biðja Guð um að jafnvel á þeirri stundu hefði ég getað velt steini dauðans frá hverjum manni og konu á þessari dýrmætu plánetu þar til allir myndu verða frjálsir frá ótta og kúgun.
Englarnir sem fylgdu mér og gripu hugsun mína á lofti samstundis eins og okkar er siður — því við erum ekki eins og þið, blessuð, að við krefjum hver annan um að hugsa til eins eða neins — og hófu þeir fljótt söng vonarinnar. Og leiddir í lagvísri tjáningu hinnar ástkæru Vonar minnar hófu englarnir þennan dásamlega söng sem virtist geisla um veg hinnar gylltu ljósvonar um yfirborð jarðar með rísandi dögun. Snemma morguns, þegar hinar heilögu konur komu að leita að Kristi, fundu þær steininum velt frá.[2]
Þessi sama blessun og þjónusta erkiengils er einnig boðin hverjum og einum okkar sem geta þegið hana. Rétt eins og steininum var ýtt frá með hendi Gabríels fyrir framan dyrnar á gröfinni sem Kristur lá í, þannig geta vandamál og þyngsli lífs okkar vikið fyrir ljósinu ef við leyfum honum að komast inn í líf okkar. Þegar gröf efnishyggjunnar sem stendur fyrir framan hvert og eitt okkar sem okkar eigin mannssköpun og þyngsli er rúllað frá, getum við séð í þeirri gröf hið upprisna heilaga Krists-sjálf okkar standa fyrir ofan okkur í ljósvakanum, geislandi í allri dýrðinni um dýrð hans og fullkomnun.
Þjónustan þeirra í dag
Gabríel erkiengill hefur talað um leyndardóma lífs og dauða, þessa heims og annars, og eðli aldagamals samsæris um að drottna yfir hugum og sálum og hjörtum lífsbylgna ekki aðeins jarðarplánetunnar, heldur þessa og heimskerfis og annarra heimskerfa. Hann var sjónarvottur að tímum fortíðar (fyrir syndaflóðið) og hann talar við okkur um bækur föður okkar Enoks og túlkar líflega baráttu ljóss og myrkurs.
Í bók sinni Mysteries of the Holy Grail (Leyndardómar hins heilaga grals) hefur Gabríel sett fram kenningar sínar um þekkinguna á afstæði góðs og ills og hvernig fallnir englar yfirfærðu það til hinna fyrstu jarðnesku foreldra okkar sem gerðu samsæri um að svipta hulu sakleysisins frá Adam og Evu svo að þau gætu ekki lengur séð Drottin Guð augliti til auglitis — og niðjar þeirra leiðast afvega í þúsundir ára.
Gabríel er vinur Guðs og manna. Allir unnendur ljóssins geta krafist þessa erkiengils sem sérstaks trúnaðarmanns og ráðgjafa. Hann kennir okkur um lögmætt samfélag hinna heilögu sem búa í þessum neðri áttundarsviðum jarðarinnar með dýrlingunum sem lifa og hrærast í hærri áttundarsviðum himins.
Árið 1987 sagði kvenerkiengillinn Von:
Ó blessaðir hjartkæru vinir, vitið þið um eitthvað sem þið hafið algjöra og fullkomna stjórn á? Það er þetta — að gullöldin getur birst á þessari stundu að ykkur viðstöddum! Þar sem einstaklingsmyndun Guðs-logans er í ykkur, getur gullöldin þegar verið í gangi og í áru ykkar. ... Þið þurfið ekki lengur að velta því fyrir ykkur, "Kemur gullöldin til jarðarinnar?" En þið getið sagt: „Það er þar sem ég er. Það veit ég, ó Guð. Það er þar sem ég er og meira en ég get nokkru sinni þráð. Því að ég er með Von og fylli heiminn af gullöld minni.“[3]
Athvarf
► Aðalgrein: Athvarf Gabríels og Vonar
Athvarf Gabríels erkiengils og Vonar er staðsett á ljósvakasviðinu á milli Sacramento og Mount Shasta, Kaliforníu. Sem erkiengill og kvenerkiengill fjórða geisla hreinleikans og uppstigningar þjóna þau einnig með Jesú og Maríu guðsmóður í Upprisumusterinu uppi yfir Landinu helga og með Serapis Bey, drottni fjórða geislans við ljósvakaathvarf Uppstigningarhofsins í Lúxor, Egyptalandi.
Orka Gabríels er beint í gegnum tónlist Intermezzo úr Cavalleria Rusticana, eftir Pietro Mascagni.
Sjá einnig
Frekari upplýsingar um kosmísku veruna Von, sjá Trú, Von og Kærleika.
Heimildir
Mark L. Prophet and Elizabeth Clare Prophet, The Masters and Their Retreats, sjá “Gabríel og Von”.
Elizabeth Clare Prophet, Talað við engla, Hverning leita má til ljósengla til leiðsagnar, huggunar & lækninga (Bræðralagsútgáfan, 2022)