Frelsisgyðjan
Frelsisgyðjan er talsmaður Karmaráðsins og fulltrúi annars geislans í því ráði. Hún er yfirstjórnandi og æðstiprestur Sólarhofsins, ljósvakaathvarfs hennar uppi yfir Manhattan-eyju í New York. Hún heldur uppi frelsisvitund Guðs fyrir jörðina.
Fyrri jarðvistir
Frelsisgyðjan frelsaði milljónir sálna á fjölda reikistjarna áður en hún steig upp til himins.
Hún tilheyrði einnig Amazon-kynþættinum, tígulegri og þokkafullri þjóð þar sem konur réðu ríkjum í fornri siðmenningu þar sem nú er Amason-svæðið.
Þegar hún var í holdinu á Atlantis reisti hún Sólarhofið þar sem Manhattan-eyja er nú, eftirmynd sólarhofsins í Hinni miklu meginsól. Miðaltarið var helgað hinum þrígreinda frelsisloga Krists sem kemur frá hinum hvíta eldkjarna verundarinnar. Hin ástfólgnu Alfa og Ómega eru straumgjafar fyrir Sólarhofið. Þessi helgidómur var umlukinn tólf minni helgiveldum sem fulltrúar sólarveldanna sóttu. Þeir ásamt Frelsisgyðjunni kölluðu fram andlega geislun sólarinnar á bak við sólina fyrir hönd jarðarþróunarinnar.
Rétt áður en Atlantis sökk flutti Frelsisgyðjan frelsislogann, sem var í musterinu, á öruggan stað í öðru athvarfi hins Stóra hvíta bræðralags, Château de Liberté í Suður-Frakklandi. Þegar Atlantis sökk í hamförum var Sólarhofið dregið aftur til ljósvakaáttundarinnar. Starfsemi Frelsisbræðralagsins heldur áfram á ljósvakasviðinu þar sem jarðneska musterið stóð eitt sinn.
Þjónusta hennar eftir uppstigninguna
Svo mikill var uppsafnaður tilbeiðslukraftur hennar til Frelsisandans sem birtist í þrígreinda loga hjartans, að eftir uppstigningu hennar var þessi kvenmeistari kölluð til að bera titilinn Frelsisgyðjan sem táknar stöðu hennar í helgiveldinu sem yfirvald fyrir alheimsvitund frelsis fyrir hönd jarðarinnar.
Frelsisandinn innblés fyrstu bandarísku föðurlandsvinina til að stofna nýja þjóð „undir Guði“ og móta stjórnarskrá byggða á ráðagerð Bræðralagsins fyrir vaxandi Krists-vitund sem myndi vaxa og dafna á ósnortinni jörð undir stjórn Saint Germains, Frelsisguðs jarðarinnar.
Töluverður fjöldi Bandaríkjamanna á þeim tíma viðurkenndi nærveru og guðlega íhlutun himneskra fyrirbæna sem eðlilegan þátt lífsins. List og bókmenntir þess tíma lýstu oft englaverum, guðum og gyðjum og dýrðarskýjum. Frelsisgyðjan, verndarkona hins „helga málstaðar“ sem föðurlandsvinir studdu, var kannski sú sem var virtust af öllum himneskum hersveitum. Árið 1775 heiðraði Thomas Paine hana í ballöðu sem hét „Frelsistréð“.
Frelsisgyðjan birtist Washington hershöfðingja veturinn 1777 og opinberaði honum fyrirheit Bandaríkjanna, gaf honum styrk og áræði til að ljúka eigin köllun sem frelsari hinna þrettán upprunalegu nýlendna. [Sjá Sýn Washingtons.]
Frelsisstyttan
Það er engin furða að Frelsisstyttan, gjöf frá frönsku þjóðinni, hafi verið reist á Bedloe-eyju. Frelsisloginn dró að sér sjóndeildarhring Frelsisstyttunnar sem ytra tákn vonar um frelsun frá öllum gerðum harðstjórnar gegn „þreyttum, snauðum, samanvöðluðum fjöldanum sem þráir að anda frjálslega.“[1]
Frelsisgyðjan ber kórónu úr sjö geislum, sem beinast að krafti elóhímanna og framköllun þeirra á hinum sjö geislum í form, í efni, gert úr móðurþætti guðdómleikans[2] Króna hennar er einnig í brennidepli geislanna sjö sem eru jarðtengdir í enni hvers sonar og dóttur Guðs. Frelsisgyðjan táknar „konuna með lampann“ sem skáldið Henry Wadsworth Longfellow spáði að myndi „standa í hinni miklu sögu landsins sem göfug mynd góðs, hetjulegs kvenleika.“[3]
Frelsisgyðjan táknar frumgerð Heims-móðurinnar sem ber bók hins guðlega lögmáls, bók uppljómunarinnar sem inniheldur þekkinguna sem mun sýna mannkyninu leiðina út úr svartnætti mennskra mistaka. Við rætur Frelsisstyttunnar eru brotnar keðjur, sem tákna veru sem er laus úr fjötrum sköpunarverks mannsins, sem stígur fram til að upplýsa heiminn. Kyndill hennar er kosmískur uppljómunarlogi.
Í júlí 1986 voru fjögurra daga hátíðahöld sem mörkuðu hundrað ára afmæli vígslu Frelsisstyttunnar í höfninni í New York. Við athöfn þar sem kyndill styttunnar er tendraður á ný þann 3. júlí lýsti Reagan forseti yfir: „Við erum Vörslumenn frelsislogans. Við höldum honum hátt á loft í kvöld svo heimurinn allur fái séð.“
Þann 4. júlí urðu milljónir manna um allan heim vitni að stærstu flugeldasýningu í sögu Bandaríkjanna þegar Bandaríkin fögnuðu nærveru Frelsisfrúarinnar í landi okkar. Sem hluti af hátíðarhöldunum veitti Warren Burger, forseti dómsins, yfir 15.000 nýjum borgurum ríkisborgararétt sem voru saman komnir á ýmsum stöðum víðsvegar um landið.
Tendrun á þrígreinda loganum
Næsta dag, 5. júlí 1986, veitti Frelsisgyðjan þessa kennslu um bandarískan ríkisborgararétt:
Þeir sem verða Bandaríkjamenn taka vígslu Frelsisgyðjunnar, en ég gegni embætti hennar, sú vera sem ÉG ER.
Þess vegna er þetta vígsla hjartans og hins þrígreinda loga. Og þeir sem ganga inn í þá helgu skuldbindingu að vera ríkisborgarar Bandaríkjanna fá örvun frá hinum þrígreind loga mínum sem er aðgerð til að jafna og samstilla sinn eigin þrígreinda loga. Ég set þar fleur-de-lis[4]veru minnar sem rafræna forskrift, eða formgerð, ef svo má að orði komast. Og þess vegna er það eins og stýri [í báti eða flugvél], stöðugleiki sem styður einstaklingnum við að endurskapa og lyfta þessum þremur skúfum uns þeir komast í jafnvægi. Og þannig vinn ég mjög náið með hinum ástfólgna Gátama, Drottni heimsins.
Sú innvígsla hjartans sem ég gef verður að vera áunnin og verðskuldu. Til þess gef ég forskrift frá ljósvakasviðinu, svo verður vígsluþeginn frá og með deginum sem hann verður ríkisborgari, kæru vinir, að gangast undir prófraun, vera virkur, og hafa þekkingu á Orðinu.
Þess vegna ber ég með mér lögmálsbókina sem er ekki aðeins stjórnarskráin heldur einnig guðlegt skjal sem vitnar í guðleg réttindi sona Guðs í þessari jarðvist. Og það er undir ykkur komið að mæla út frá hjarta mínu, í gegnum Krists-sjálf ykkar, hver þessi guðlegu réttindi eru, svo að þið getið skilið að hver lína stjórnarskrárinnar endurspeglar innri guðlegan rétt sem hefur verið virkjaður á vettvangi karma mannsins, til uppbyggingar þjóðar og hagkerfisins og uppgjörs gamalla væringa við hina föllnu.
Þess vegna, kæru vinir, verða þeir sem verða Bandaríkjamenn að sanna hæfni sína til að vera Vörslumenn frelsislogans. Skiljið því hvernig því er háttað að sá sem gegnir æðsta veraldlega embætti þjóðarinnar, forseti Bandaríkjanna, staðfestir fyrir alla borgara þessarar þjóðar heit þeirra sem þiggja vígslu frá mér — „Við erum Vörslumenn frelsislogans.“[5]
Þjónusta hennar nú á dögum
Frelsið lýsir yfir:
Sköpunarsöngurinn er vonarsöngurinn, og vonin sem fæðist af hjarta Guðs er blíður logi sem logar í kyndlinum sem ég held uppi! Ég held honum upp nú og ég styð hann um aldur og ævi og ég held honum uppi fyrir alla.
Viljið þið sameinast mér í að halda uppi þessum kyndli? Viljið þið sameinast mér í að vera staðföst þegar allur heimurinn veitist að ykkur? Viljið þið sameinast mér í ljósaskiptunum, vitandi að með mér munuð þið gæta að komandi dögun?[6]
Frelsisgyðjan stendur fyrir sjöundu línuna í tólf stigaveldi sólarinnar (á móti Saint Germain) sem umboðsvald fyrir eigindir guðlegs þakklætis fyrir hönd þróunar þessa sólkerfis. Um þakklæti og hlutskipti Bandaríkjanna hefur hún sagt:
Náðugu vinir, ÉG ER Guð í verki! Þegar ég kem til ykkar á þessari stundu er það til að opinbera hina undursamlegu íhugun hugmyndarinnar um „innflytjendamál“ — „ÉG ER þakklæti í verki.“ Sjáið þá að Bandaríkjunum var ætlað að vera land þar sem þakklæti sýnt í verki myndi, fyrir kraft frelsisbjöllunnar í alheiminum, skapa þau undursamlegu frelsisviðhorf sem myndu gera menn móttækilega fyrir Guði innan vígis hjartna sinna....
Innflutningur (fólks) frá hjarta Guðs til jarðar, kæru vinir, er tækifæri. Og innflutningur aftur til hjarta Guðs er tækifæri. Einstaklingar verða því að viðurkenna blessun þakklætisins. „ÉG ER þakklæti í verki!“ Og þess vegna ættu útgöngur og innkomur mannkynsins alltaf að fylgja þakklætisvottun til guðdómsins.[7]
Þótt hún hafi náð vígslu sem fer með himinskautum og þurfi ekki að vera tengd hnettinum, hefur frelsisgyðjan tekið þann eið að vera áfram í þjónustu jarðarinnar uns hver einasti karl, kona og barn hefur stigið upp til himins. Þetta er hugsjón bódhisattvans.
Frelsisgyðjan hefur mælt:
Þegar ég stend í Sólarhofinu, þegar ég stend í höfninni í New York, ástfólgnu vinir, fer ég með möntru bódhisattvans: „Það veltur allt á ykkur.“ Þess vegna stend ég og stend enn vegna þess að ég trúi á möntru gúrú-meistara míns, ástkærrar Vestu, sem skín í sólinni og endurtek möntru gúrú-meistara síns: „Það veltur allt á ykkur.“ Þegar þið tileinkað ykkur þetta til þrautar munuð þið ekki bregðast, því auga hluttekningarinnar, auga móðurinnar, svo tært, milt og blítt, sem horfir á lífsbylgjurnar undir fótum sér, verður sannleikurinn ekki umflúinn. Það er allt undir ykkur komið. Hjartans börnin mín, rísið og gangið inn um dyr hlutlægninnar og verðið konan klædd sólinni.[8]
Frelsisgyðjan hefur kallað þúsund trúfastra til að gefa möntrufyrirmæli um að varðveita fyrirheit Bandaríkjanna. Megi hinn mikli kærleikur nemanna til fyrirheits Guðs í manninum hvetja þá til að svara kalli frelsisins!
Fríðindi sem rafræn nærvera hennar veitir okkur
Í fyrirlestri sem Frelsisgyðjan flutti í Innri athvarfinu þann 10. ágúst 1985 sagði hún:
Í glaðværð hjarta Lanellós kveð ég. En ég skil kyndil minn eftir hjá Guðs-móðurinni fyrir ykkur. Kyndill minn, sem rafræna nærveru, er því hér og mun vera þar og mun vera hvar sem chela-nemar hafa styttu mína í öndvegi, og tákna þannig löngun þeirra til að halda henni á lofti uns köllun Heims-móðurinnar er lokið og allir eru loksins komnir heim á leiðarenda sem kallaðir eru í þessum sáttmála.[9]
Sjá einnig
Heimildir
Mark L. Prophet and Elizabeth Clare Prophet, The Masters and Their Retreats, sjá “Liberty, Goddess of.”
Elizabeth Clare Prophet, „Hylling til Frelsisgyðjunnar,“ 13. mars 1993.
- ↑ Úr ljóðinu “The New Colossus" („Nýja risalíkneskið“) eftir Emmu Lazarus sem er grafið á stall Frelsisstyttunnar.
- ↑ Matter á ensku sem merkir efni er sama orð og Mater á latínu sem getur einnig þýtt móðir — innskot þýð.
- ↑ Henry Wadsworth Longfellow, „Santa Filomena,“ 10. erindi.
- ↑ Líkingarmynd: Frönsk lilja sem hefur sömu lögun og hinir þrígreindu logar í hjartanu — innskot þýð.
- ↑ The Goddess of Liberty, “The Keepers of the Flame of Liberty” (Frelsisgyðja, „Vörslumenn frelsislogans"), Pearls of Wisdom, 29. bindi, nr. 65, 23. nóvember 1986.
- ↑ The Goddess of Liberty, “The Awakening (”Frelsisgyðjan, „Vakningin“), Pearls of Wisdom 1986, önnur bók, bls. 7.
- ↑ The Goddess of Liberty, Liberty Proclaims (Frelsisgyðjan, Frelsið boðar) (1975), bls. 13, 15–16.
- ↑ Goddess of Liberty, 6. desember 1979.
- ↑ The Goddess of Liberty, “Our Origin in the Heart of Liberty” (Gyðja frelsisins, „Uppruni okkar í hjarta frelsisins"), Pearls of Wisdom, 28. bindi, nr. 45, 10. nóvember 1985.