Lanelló
Hinn uppstigni meistari Lanelló var nýlega í holdinu á jörðu sem tuttugustu aldar dulspekingur og boðberi hinna uppstignu meistara. Skírnarnafn hans var Mark L. Prophet. Í þessari og mörgum fyrri endurfæðingum hefur hann og tvíburalogi hans, boðberinn Elizabeth Clare Prophet, þjónað hinu Stóra hvíta bræðralagi og leitast við að setja fram hinar sönnu kenningar Krists.
Fyrri jarðvistir
Fyrir þúsundum ára, þegar bódhisattva Sanat Kumara kom frá Venusi til að varðveita loga lífsins á jörðinni, voru Lanelló og tvíburalogi hans og aðrar ljósverur sem þróuðust á plánetum þessa sólkerfis meðal sona og dætra Guðs sem fylgdu honum. Saga köllunar Lanellós er saga ástríðufullrar sálar sem er með sönnu kærleikur Guðs.
Meistari áköllunarinnar á Atlantis
Á Atlantis var hann prestur hins helga elds og meistari ákallsins í Logos-musterinu.
Stjórnandi í Inka siðmenningunni
Lanelló var valdhafi Inka siðmenningarinnar.
Nói
► Aðalgrein: Nói
Sem spámaðurinn Nói fékk hann spádóminn um flóðið og áminnti þjóðina í meira en í eina öld.
Lot
Hann var Lot, „bróðursonur Abrahams,“ á tuttugustu öld f.Kr. — guðsmaðurinn í hinum voluðu borgum á sléttunni, Sódómu og Gómorru.
Ikhnaton
► Aðalgrein: Ikhnaton
Fyrir þrjú þúsund árum þegar hann var uppi sem egypski faraóinn Ikhnaton, steypti hann skurðgoðadýrkunarhefðinni, ögraði falsprestastéttinni og stofnaði eingyðistrú sem byggði á tilbeiðslu á Aton, guði sólarinnar. Á valdatíma hans naut Egyptalands gullaldar lista, ljóða og tónlistar.
Esóp
► Aðalgrein: Esóp
Hann var grískur þræll að nafni Esóp á sjöttu öld f.Kr. sem ávann sér frelsi með meistaralegum kennslusögum og dæmisögum. Um síðir myrtu bæjarbúar hann sem hann leitaðist við að þjóna.
Guðspjallamaðurinn Markús
► Aðalgrein: Heilagur Markús
Sem Markús guðspjallamaður ritaði hann um síðir frásögnina um verk Jesú – guðspjallið – eins og Pétur postuli trúði honum fyrir. Móðir hans var ein sú trúfastasta af lærisveinkunum og Mark minntist þess sem drengur þegar Jesús hélt upp á síðustu kvöldmáltíðina í efri salnum. Hann var alinn upp sem Esseni og þar sem hann var vel menntaður var hann valinn aðallærisveinn Péturs og ritari og var fluttur til Antíokkíu til að aðstoða Pál. Hann varð talsmaður dýpri leyndardóma kristninnar og stofnaði kirkjuna í Alexandríu þar sem hann var síðar píslarvottur.
Origenes af Alexandriu
► Aðalgrein: Origenes af Alexandríu
Sem Origenes frá Alexandríu sneri hann aftur á annarri öld til borgarinnar sem hann þekkti þegar hann var heilagur Markús og var einn af virtustu guðfræðingum frumkirkjunnar og setti fram hinar sönnu kenningar Jesú Krists um endurholdgun og himneska helgiveldið. Átján ára gamall var hann skipaður yfirmaður trúfræðiskólans sem var fyrsta stofnunin þar sem hægt var að kenna kristnum mönnum bæði grísk vísindi og kenningar heilagrar ritningar. Hann lifði sem meinlætamaður, vann dag og nótt með mannfjöldanum, hélt fyrirlestra og veitti einkaráðgjöf. Hann rannsakaði Platón, Pýþagóras og Stóumenn ítarlega og lærði hebresku til að túlka ritninguna rétt. En fyrir veraldlega sinnuðum og grunnfærnum mönnum virtist djúpur skilningur hans vera undarlegur villutrúnaður.
Origenes, sem var rekinn frá Egyptalandi, varð engu að síður virtur kennari í Palestínu í Kesarea þar sem hann stofnaði skóla frægan um öll Austurlönd. Hann var fangelsaður á meðan Decíus var ofsóttur, pyntaður og lést síðar. Origenes skildi eftir sig gríðarlegan fjölda rita, hátt í eitt þúsund titla. Bækur hans voru mikið notaðar í meira en öld, en ekki án harðrar gagnrýni. Á fimmtu öld þýddi Rúfinus frá Aquieleia og gerði umtalsverðar breytingar á verkum Origenes, og Híerónýmus fordæmdi kenningar hans sem villutrú. Á sjöttu öld samdi Justinianus keisari lista yfir fimmtán bannfæringar fyrir fimmta samkirkjulega ráðið og í kjölfarið var ritum hans eytt svo að fá eru eftir í dag.
Lanselot
Á dögum Arthúrs konungs kom sál Lanellós frá Frakklandi fram sem Lanselot du Lac. Samkvæmt goðsögninni var ungbarninu Lanselot lagt við bakka stöðuvatns og flutti drottning vatnsins það til konungsríkis síns þar sem hún ríkti yfir tíu þúsund meyjum þar sem karlmönnum var bannaður aðgangur. Hér þroskaðist hann með miklum heiðri og hreinleika og var því þekktur sem Lanselot du Lac (Lanselot vatnsins). Hann varð nánasti vinur Arthúrs og urðu tengsl þeirra samband gúrú-meistara og chela-nema, og var Guinevere drottning, tvíburalogi hans.
Afbrýðisemi, ráðabrugg og galdrar Modreds og Morganu La Fey var þolraun fyrir djúpa gagnkvæma ást „þrenningarinnar“ í Kamelot sem ýtti undir vantraust milli konungs og drottningar, riddarameistara og annarra riddara hringborðsins og endaði með dauða Arthúrs og flestra riddaranna og einangrun Guinevere og Lanselots sem afsöluðu sér öllu í þágu kirkjunnar.
.jpg)
Bódhidharma
► Aðalgrein: Bódhidharma
Sem Bódhidharma var hann stofnandi Zen-skólans í kínverskum og japönskum búddhasið. Hann fæddist í brahmína-stétt um 440 e.Kr. í suðurhluta Indlands, snerist til búddhasiðs og ferðaðist til Kína til að breiða út kenningar Búddha. Kjarninn í boðskap Bódhidharma er sá að við getum ekki gert okkur grein fyrir hinum endanlegum sannleika eða búddhadómi okkar með orðum og bókstafstrú – við verðum að uppgötva sjálf hið raunverulega eðli okkar, Búddha-eðli okkar.
Klóvis
Sem Klóvis stofnaði hann franska konungsveldið á sjöttu öld. Hann giftist tvíburaloganum sínum, þá búrgúnsku prinsessunni Klóthilde, kristinni konu, og var skírður eftir að hafa heitið á Guð hennar að veita honum sigur í bardaga sem bar árangur. Hann varð dyggur fulltrúi kirkjunnar og Klóvis og Klóthilde urðu verndardýrlingar Frakklands, sem stofnendur þjóðarinnar og verndarar hinna fátæku.
Saladín
Síðan sem Saladín, hinn mikli leiðtogi múslíma á tólftu öld, sigraði hann og sameinaði allan íslamska heiminn. Þótt hann sé öflugur hershöfðingi er Saladín minnst fyrir örlæti hans, hógværð, heiðarleika og réttlæti í garð jafnt araba sem kristinna manna.
Hann var uppi sem heilagur Bonaventure (1221–1274), guðfræðingur og fransískur dulfræðingur. Fjögurra ára gamall veiktist Bonaventure alvarlega. Móðir hans bað heilagan Frans að biðja fyrir lífi sonar síns. Með bænum hans læknaðist barnið og sagt er að Frans hafi hrópað í spámannlegri hrifningu: „O buona ventura! (Ó en það lán!), sem Bonaventure er talið hafa fengið nafn sitt af. Í þakklætisskyni fyrir lækningu sonar síns helgaði móðir Bonaventure líf hans Guði.
Hann varð kardínáli rómversku kirkjunnar og páfaráðgjafi, þekktur fyrir hæfileika sína sem bæði fræðimaður og prédikari. Hann var yfirlýstur læknir kirkjunnar árið 1587 og er kallaður serafalæknir. Ásamt Tómasi Aquinas, kristsmunki, gegndi Bonaventure mikilvægu hlutverki við að vernda förumunkareglurnar á þrettándu öld.
Lúðvík XIV
Hann var Lúðvík XIV, konungur Frakklands frá 1643 til 1715 (lengsta skráða valdatíð í sögu Evrópu) og var þekktur sem „le Roi Soleil“ (sólkonungurinn). Hann leitaðist við að lýsa sálarminningu sinni um menningu Venusar í stórfenglegri höll og görðum Versala.
Longfellow
► Aðalgrein: Henry Wadsworth Longfellow
Sem Henry Wadsworth Longfellow (1807–1882) varð hann vinsælastur bandarískra skálda á nítjándu öld. Hann var frábær kennari, fyrst í Bowdoin og síðar formaður nútímatungumálanáms við Harvard háskóla í átján ár. Í þrá eftir bókmenntafrelsi hætti hann hins vegar störfum og byrjaði að yrkja ljóð sem fangaði anda og hjarta bandarísku þjóðarinnar og viðvarandi loga gúrú-meistara síns, El Morya. Það var hans eigin sál sem Longfellow orti um í frásagnarljóði um hinn goðsagnakennda Iroquois-höfðingja Hiawatha.
_Q81540.jpg)
Alexis, sonur keisarans
Í upphafi tuttugustu aldar endurfæddist Lanelló í Rússlandi sem Alexis, sonur keisarans og erfingi Rómanovs krúnunnar. Faðir hans, Nikulás II, afsalaði veitingunni hins vegar fyrir hans hönd og kom þar með í veg fyrir það að logi hans gæti lýst Rússlandi. Rússneska byltingin fylgdi skömmu síðar, fylgt eftir með aftöku keisarans og allrar fjölskyldu hans.
Hefði Lanelló lifað af bolsévikabyltinguna, var honum ætlað að sameina börn móður Rússlands í heila öld upplýstrar sjálfsstjórnar og fyllstu þróunar á guðlegum vaxtarsprota þjóðarinnar bæði innra og ytra.
Mark L. Prophet
► Aðalgrein: Mark L. Prophet
Sem meistari á tuttugustu öld fæddist Mark L. Prophet í Chippewa Falls, Wisconsin, árið 1918, einkabarn Thomas og Mabel Prophets. Faðir hans lést þegar hann var níu ára og hann og móðir hans máttu þola erfiðleika kreppuáranna. Þegar hann var um það bil átján ára piltur og var að vinna hjá járnbrautarfyrirtæki fékk hann kall frá hinum uppstigna meistara El Morya.
Í seinni heimsstyrjöldinni þjónaði hann í bandaríska flughernum á sama tíma og þjálfun hans hjá meistaranum hélt áfram. Árið 1958 bauð El Morya honum að stofna Summit Lighthouse í höfuðborg þjóðarinnar. Mark skrifaði sjálfur fyrsta fyrirlesturinn sem hinir uppstignu meistarar gáfu fyrir munn hans, kallaðir „Ashram Notes“. Hann fékk til liðs við sig tvíburaloga sinn, Elizabeth, árið 1961, og saman uppfylltu þau spádóm Jesú sem Jóhannes opinberari setti fram um að gegna embætti „vottanna tveggja“ og „hinna tveggja“ á þessum tíma.[1]
Uppstiginn meistari
Þann 26. febrúar 1973 lést Mark og sál hans steig upp á svið ÉG ER-nærverunnar til að halda áfram starfi sínu með uppstignu meisturunum og til að ná sambandi við hina óuppstignu chela-nema þeirra. Sem hinn uppstigni meistari Lanelló heldur hann áfram að stýra starfsemi Summit Lighthouse, „hinn ævarandi nærverandi gúrú-meistari“ sem hefur sagt: „Það er okkar mál að vera boðskapur um óendanlegan kærleika og við verðum að sýna heiminum þann kærleika.”
Hinn fyrsta opinbera fyrirlestur sinn gaf Lanelló 20. apríl, 1973, aðeins tveimur mánuðum eftir uppstigningu sína:
Þar sem ég hef í kvöld hugsað um þau fjölmörgu málefni sem ég myndi velja að ræða um hef ég dregið þá ályktun að það sé alltaf heppilegast að tala um hagnýta hluti, jafnvel þegar hjartað syngur með ljóðrænum töktum tónlistar himinhvolfanna því að mér er umhugað um að þið klæðist möttlinum mínum — þau ykkar sem ég hef þekkt svo lengi, í svo mörg æviskeið. Og þess vegna hef ég fengið þjónustu engla minna undanfarnar vikur og hugsað um hvað ég gæti gert til að færa ykkur gleði mína; ég hef beðið englana að sauma fyrir ykkur eftirmynd af kápunni minni — bláu kápunni minni sem ég hef borið jafnvel í efnislegri áttund. Ég hef beðið engla mína að setja kápuna á axlir ykkar í nótt, og það gæti vel gerst að þið finnið jafnvel fyrir efni þeirrar kápu þegar hún skrjáfar um ökkla ykkar og um handleggi ykkar.
Já, ég hef búið til bláa kápu fyrir hvert og eitt ykkar; það er að segja englarnir mínir — þeir hafa tekið tískuna sem ég hef gefið þeim og stílað hin ágætustu klæði með hettu eins og munkarnir forðum. Og svo áður en þessari þjónustu lýkur ætla þessir englar að setja kápu mína á ykkur svo að þið gætuð líka farið fram með uppsöfnuðum krafti sigurs míns úr mörgum fyrri æviskeiðum, sem ég hef fengið frá orsakalíkama mínum með uppsöfnuðum ljósstyrk til að gefa ykkur. ...
Ég segi, þið eruð öll í framboði til uppstigningar ef þið viljið svo vera láta. Og ef þið veljið að gera það þetta kvöld og á næstu vikum, þá mun ég styrkja ykkur og ég mun beina Guðs-móðurinni að styrkja ykkur líka. Það er ekki til setunnar boðið; það er óþarfi að hjakka í sama hugarfarinu. Ég segi, Krists-vitund ykkar, Krists-verund ykkar er blossandi veruleiki vitundar ykkar! Það er nýr dagur að renna upp innra með ykkur! Það er vaxtarsproti sigurs ykkar! Það er hreinleiki ykkar núna!
Og ég segi, þið þurfið ekki að bíða eftir að vaxa upp úr sjálfshyggju ykkar, því að sjálfshyggjan þroskast aldrei, hjartkæru vinir; hún verður aldrei Kristur. Það verður að leggja hana niður og kasta í logann! Þið verðið að skipta á gömlu gerðinni fyrir þeirri nýju. Hversu lengi ætlið þið að halda í gömlu gerðina? Sum ykkar eru umburðarlyndari í garð ykkar fyrra sjálfs en bíla ykkar sem þið skiptið á hverju ári, en þið gleymið að skipta á holdshyggjunni fyrir Krists-hugann sem er á hátísku í forgörðum himinsins!
Og svo, gersemin mín, segi ég að af öllum áminningum og öllum spádómum sem ég gæti spáð fyrir þetta kvöld að Krists-hyggjan er eini lykillinn að Krists-verundinni og hjálpræðinu sem getur veitt ykkur endanlegan sigur. Og það er um endanlega sigra sem okkur er umhugað – ekki um átökin sem tapast eða vinnast á hverri stund og hverjum degi; engu að síður setur hið daglega streð mark sitt á bók lífsins sem hinn mikli vörður handritanna skráir. En ég segi, stundum þegar maður tapar í slagnum er það lexía sem þarf að læra; og tímabundið tap getur þýtt endanlegan sigur því að lærdómurinn sem fæst er mælikvarði á fullkomnun.
Og þess vegna segi ég, lítið á reynsluna úr fortíðinni sem þið hafið gengið í gegnum sem formála; og skrifið nú kaflann, fyrsta kafla bókarinnar „Krists-hyggja mín“. Haldið dagbók sem heitir „Krists-hyggja mín,“ og skrifið niður á hverjum degi hvernig blóm Krists blómstrar í lífi ykkar. Og þegar þið vitið að þið hafið viðhaft Krists-vitundarathöfn, skrifið það þá niður og haldið skránni fyrir ykkur sjálf svo að á þessum myrkratímum og tilfallandi þolraunum þegar allt hið góða fellur í gleymskunnar dá, sem þið hafið nokkru sinni gert vegna þess að óvinurinn er að kvelja ykkur með lygum sínum, lesið þá í bókina „Krists-hyggja mín“ um hvernig þið hafið unnið bug á villu og hvernig þið hafið borið sigur úr býtum.
Ég segi, ævisaga ykkar – margra ykkar – er áferðarfalleg; því að þið hafið sannarlega unnið í stóru sem smáu. Og uns síðasta mælingin er tekin, vitið þið aldrei hvernig Drottinn lítur á jafnvægi kraftanna innra með ykkur. Svo haldið áfram að sækjast eftir ljósinu, leitast við að gera hið rétta; og verið viss um að ég, Lanelló, geng með ykkur hvert skref á leiðinni.
Ég er eins nálægur og andardrátturinn sem þið andið að ykkur. Og þið getið hvergi farið þar sem ég er ekki, því ég hef varpað rafrænni viðveru af sjálfum mér til hvers og eins ykkar sem vill taka við mér. Eins og Jesús skrifaði: „Sá sem tekur við spámanni, vegna þess að hann er spámaður, mun fá spámanns laun.“[2] Verðlaunin mín eru uppstigningin! Laun mín eru létt! Og ef þið takið á móti mér sem spámanni uppstigningar ykkar, þá get ég látið rafræna viðveru mína ganga við hliðina á ykkur, og ég mun klæðast minni eigin bláu kápu. Og þeir munu segja: "Sjáið tvíburana sem ganga niður götuna." Því að þið munuð líta út eins og ég og ég mun líta út eins og þið, og hver mun geta skorið úr um hver er uppstiginn og hver er óuppstiginn? Því áttu þeir ekki í smá stund í vandræðum með að greina muninn á Jesú og lærisveinum hans?[3]
Svo þeir munu ekki vita hver er hver. Og ég þori að fullyrða að þegar óvinurinn færir taflmenn sína á borð lífsins til að ráðast á lífsstraum ykkar, gæti hann eins vel freistað gæfunnar með því að kasta sínum svívirðilegu skeytum að mér! Og þá mun hann fá makleg málagjöld fyrir að hafa ráðist á uppstiginn meistara! Hvað finnst ykkur um það? Og svo skulum við tveir eða tvö ganga hönd í hönd; og hvenær sem er dagsins eða nætur þegar þið réttið mér höndina mun ég grípa hana. ...
Ég segi ykkur: Hvað sem þið hafið gert í fortíðinni, skuluð þið snúa baki við fortíðinni! Látið hana eiga sig! Og látið ljós miskunnarinnar sigra innra með ykkur því að Guð vor er Guð miskunnar og miskunn hans varir að eilífu.[4] Takið því skref fram á við í kvöld; og íhugið að með því að stíga það skref eruð þið að stíga úr skinni fyrri mannsins og í klæði Krists. Og þegar þið takið það skref eins og ég mun leiðbeina ykkur um í lok ávarps míns, munuð þið hafa sett á ykkur kápuna mína, munkahettuna mína.
Athvarf
► Aðalgrein: Athvarf Lanellós við Rín
Athvarf Lanellós er í Bingen, við Rínarfljót í Þýskalandi.
Hann þjónar á fyrsta geisla og grunntónn hans er „Greensleeves“. Hann hefur unnið með K-17 í mörg hundruð ár og heldur áfram að vinna með honum frá áttundarviði hinna uppstignu. Hann er kallaður hinn sífellt nærverandi gúrú-meistari vegna þess að hann er alltaf að koma fram og tala við chela-nema sína.
Heimildir
Mark L. Prophet and Elizabeth Clare Prophet, The Masters and Their Retreats, sjá “Lanelló”.
Mark L. Prophet, as recorded by Elizabeth Clare Prophet, Cosmic Consciousness: One Man’s Search for God, bls. 297.