Uriel and Aurora's retreat/is

Tatra-fjöll

Athvarf Uríels og Áróru er staðsett á ljósvakasviðinu uppi yfir Tatra-fjöllum suður af Kraká í Póllandi.

Úríel og Áróra þjóna einnig með friðarsveitum frá athvarfi Jesú í Sádi-Arabíu.

Hugleiðslurúm í athvarfi þeirra

Í fyrirlestri 15. apríl 1979 talaði Úríel um hugleiðslurúmið í athvarfi sínu:

Þið, mín ástkæru, snúið ykkur að hjartanu, inn í hvel móðurperlunnar. Móðurperla er hugleiðslurúm. ... Það er í athvarfi mínu risastórt hvel, glitrandi perla, voldug perlumóðir. Það er því staður þar sem óteljandi englar geta safnast saman. Við ræðum ekki um sætisrými. Við ræðum um getu vitundarinnar. Það er í rauninni ekki hægt að segja til um hversu margir englar eða chela-nemar geta safnast saman í kúlunni. ...

Ég er í miðjunni. Ég er í sólarmiðju hinnar voldugu perlu. Það er hinn gyllti ljómageisli. Það er hringiðandi ljósdepill. Það er orkukjarni. Og allir punktar innan hringsins eru með vísan til þess punkts, því, chela-nemar mínir, ég veiti hinu lifandi Orði sálarfyllingu.

Ó elskurnar mínar, fyrir tækifærið til að vera innan þessarar perlu hafa margir tekið á sig hin hættulegustu verkefni sem krefjast fórnar og píslarvættis. Því hér er hið mikla hugleiðslurúm Alheims-móðurinnar. Það er því innsiglað á storð (Terra) með loganum, þjónustunni og guðþjónustu allra leynilegra sendiboða sjötta geislans. Þetta hefur verið tilboð okkar til lækningar vitundarinnar, og jafnvel þar höldum við loganum fyrir myndun heilans í fóstri komandi barns. Þar höldum við kraftsviðinu og vefum þræðina fyrir samþættingu huga Guðs við starfstæki vitundarinnar.

Og svo megið þið líkja hinu volduga móðurhveli við ljósið sem stígur upp frá mænurótinni til hvirfilorkustöðvarinnar. En þegar það er orðið að kórónu, táknar hvelið huga Guðs. Og auðvitað, á því blessaða höfði, sem er orðið hluti af hinni miklu perlumóður, er kórónan sem veitt er fyrir sigurgöngu upprisunnar.

Heimildir

Mark L. Prophet and Elizabeth Clare Prophet, The Masters and Their Retreats, sjá “Uriel and Aurora’s Retreat”.