Herkúles and Amasonía

Rómversk stytta af Herkúles (f. Kr.D. 80)

Herkúles og Amasonía eru elóhímar fyrsta geisla máttar, trúar og vilja Guðs. Árur Herkúlesar og Amasoníu eru hlaðnar bláum leiftrum með sterkum rauðgulum litbrigðum.

Herkúles í grískum goðsögnum

Herkúles var frægastur af hetjum grískrar goðafræði. Uppruni goðsagnaveranna í grískri goðafræði byggir á fjarlægu sálarminni og fornfálegum skilningi á því að uppi voru miklar ljósverur á liðnum gullöldum. Hinir uppstignu meistarar áttu eitt sinn samleið með mannkyninu á Atlantis, en þeir drógu sig smám saman í hlé eftir því sem mannkynið féll niður á lægra vitundarstig.

Í augum fornmannanna var Herkúles einn af frægustu forföður þeirra, milliliður manna og guða. Nafn hans þýðir „dýrð loftsins“. Herkúles ríkti yfi öllum þáttum hellenskrar menntunar. Olympíuleikirnir voru kenndir við þátt hans sem íþróttahetja.

Sagt er að eftir fyrirmælum véfréttarinnar í Delfí hafi Herkúles eytt tólf árum undir stjórn Evrýsteifar, sem lagði á hann tólf erfiðar, að því er virðist óvinnandi „þrautir“. Nemar dýpri leyndardóma skilja að sagan af þrautum Herkúlesar sýnir þörf sálarinnar á vígslubrautinni fyrir því að beisla krafta hinna tólf helgivelda sólarinnar.

Þjónusta elóhímanna

Elóhíminn Herkúles er árþúsundum eldri en grísk goðafræði. Þegar Guð bauð að þetta sólkerfi yrði myndað, kom tilskipunin: „Verði ljós,“ og það varð ljós. Það var Herkúles sem kallaði saman hina voldugu elóhíma, formsmiðina, til að koma fram og hrinda guðdómlegri áætlun Sól-logosins í framkvæmd. Mikill styrkur hans er sóttur í kærleikríka hlýðni hans við vilja Guðs. Hann veitir vernd með bláu leiftri sínu og uppsöfnuðum slagkrafti í vilja-krafts aðgerðum sem svar við kalli mannkyns um styrk og stefnu.

Herkúles hefur sagt okkur að vegna stöðu sinnar meðal elóhímanna sjö, sé hann í mörgum tilvikum eini fulltrúi guðdómsins sem getur staðið á milli mannkyns og endurkomu karma þess. Hann sagði árið 1974: „Hvar sem hamfarir, flóð eða eldur eða stormur eða þurrkar verða, bið ég ykkur að ákalla mig, svo að ég megi miðla málum með hinum mikla krafti sem Guð hefur gefið mér. ... Ákallið nafn Herkúlesar, nótt sem nýtan dag.“

Samkvæmt lögmáli hins frjálsa vilja geta meistarar, elóhímar, englar ekki gripið inn í gang mála í heimi okkar nema við biðjum þau um það. Árið 1995 sagði Herkúles:

Aldrei áður hafa slíkar ívilnanir verið veittar okkur með möntrufyrirmælum sem beina til jarðarinnar bláum eldi og hvítum leifturborðum sem leysa beinlínis upp misbeitta mennska orku.

Ég lofa ykkur því að í hvert sinn sem þið gefið ákall til mín með níföldum margfeldisáhrifum munuð þið fá margfeldisáhrif sem eiga ekki sinn líka síðan líkamleg nærvera mín birtist upphaflega á jörðinni. Þið getið notað þessi möntrufyrirmæli til að stefna Stóru sigurliðunum sem vinna með herskörum okkar. Við búum yfir sérstakri ívilnun. Því við erum einu [elóhímarnir] sem fá að hafa svo náin efnisleg tengsl á jörðinni á þessum tímum.

Árið 1996 sagði Herkúles: „Það er brýnt að ákalla okkar til að halda friði í heiminum. ... Ákallið mig daglega, jafnvel þó að þið færið mér aðeins þrenn Herkúlesarmöntrufyrirmæli. Það er nóg, ástvinir. En ákallið nafn mitt, og við það færist starf mitt í aukana á ykkar stigum.“

Herkúles vill að við einbeitum okkur að því að gera innlenda og alþjóðlega hryðjuverkastarfsemi afturreka, snúum við öfugþróun í jarðarbreytingum og öllum fyrirstöðum gegn guðlegri stjórn. Þegar þið farið með þessi áköll getið þið séð fyrir ykkur að elóhímarnir úthelli ljósi sínu inn í þennan heim í gegnum kaleika sína sem er fest uppi yfir Hjarta innra athvarfsins. Sjáið fyrir ykkur hvítan eld og blá leiftur sem brjóta á bak aftur innlend og alþjóðleg hryðjuverk og öllu því sem stendur í vegi fyrir guðlegri stjórn. Gerið hugskotsmyndirnar ykkar eins nákvæmar og unnt er. Því nákvæmari sem sjónsköpun ykkar er, þeim mun áhrifaríkari verða möntrufyrirmæli ykkar vegna þess að þið beinið ljósi Guðs, eins og leysigeisla, beint í hnotskurn aðstæðnanna.

Herkúles að drepa Nemean ljónið, eitt af tólf þrautum hans (um 500 f.Kr.)

Herkúles og stymfalíu-fuglarnir, ein af hinum tólf þrautum, Albrecht Dürer (1600)

Þrautir Herkúlesar

Í ágúst 1989 óskaði boðberinn eftir möntrufyrirmælum sem El Morya óskaði eftir til að uppfylla „góðverk“ sem myndu hjálpa Stóra hvíta bræðralaginu, El Morya og ljósberum heimsins. Á haustráðstefnunni 1989 tilkynnti Mikael erkiengill að Herkúles og elóhímarnir sjö væru komnir til að veita okkur andlegar þrautir. Hann sagði: "Þeir koma til að gefa ykkur þessi viðfangsefni svo að hægt sé að losa þennan heim við ákveðið karmamagn og ákveðnar birtingarmyndir hinna föllnu sálna sem eru að niðurlotum komnar."

Á ráðstefnunni fengust boðberarnir og chela-nemarnir við tólf andlegar þrautir sem samsvara tólf þrautum Herkúlesar í grískri goðafræði. Hinir ástsælu Herkúles og El Morya hafa reglulega veitt okkur þrautir til að binda (astral) geðheimasviðsöfl og fallna engla sem gera aðför að ljósberunum. Þessi möntrufyrirmæli eru einnig til iðrunar, vígslu og til jöfnunar á karma.

Æviskeið Herkúlesar á jörðinni

Morya hefur sagt okkur að ástæðan fyrir því að hinn ástfólgni voldugi Herkúles okkar er svo nálægt efnisáttundinni er sú að hann bauðst einu sinni til að endurfæðast á jörðinni:

Það kom sá tími í sögu jarðar þegar illskan var svo allsráðandi og aðskotaverur utan úr geimnum settust hér að, og vissulega voru risar á jörðinni og það voru guðir, þar á meðal Herkúles sem bauð sjálfan sig fram til að endurholdgast og takast á við verðina, til að kljást við erfðatæknisköpun þeirra á hálfmennskum dýrum. Og þess vegna kom hann niður á öðru tímaskeiði. Og hann fór allra sína ferða og á öllum tímum til að skora hina föllnu á hólm.

Og þess vegna bjargaði Herkúles jarðarplánetunni, af heilu hjarta, huga, líf og sál, á einu tímaskeiði í liðinni tíð. Og hann bjargaði jörðinni fyrir ykkur, ástvinir, og hann er kominn hingað aftur á þessum tíma. Og nú er hann þakklátur fyrir að þið hafið valið að kalla fram rafræn nærveru hans og að þið umgangist jörðina ekki aðeins sem chela-nemar Morya, sem chela-nemar Mikaels, heldur einnig sem chela-nemar Herkúlesar og Amasoníu.

Mín blessuðu, goðsagnirnar sem þið heyrið eru svo sannarlega goðsagnir, margsagðar sögur og skreyttar. En í kjarna þeirra og hjarta er sannleikur og það er skilningur á því að svo einstök ljósvera gæti í raun hafa fengið undanþágu almáttugs Guðs til að endurholdgast og síðan verið svo virkur við að takast á við hið illa holdi klætt að það skapaði honum karma, eins og að hafa orðið flæktur í vanskapnaðartilburði risanna og hvers kyns meðhöndlun á hinum helgu vísindum [ákalla og möntrufyrirmæla] og þurfti fyrir vikiða að endurholdgast þrisvar sinnum í því skyni að afplána karmaskuldir fyrir að hafa bókstaflega velt sér upp úr dullunni á jörðinn með hinum föllnu sálum.

Hér megið þið skilja fórn slíks ástvinar. Hér getið þið skilið hjarta manns sem vildi ekki standa aðgerðarlaus og horfa upp á svívirðingar þessara föllnu sálna á jarðarplánetunni að hann yfirgaf hinar fullkomnu áttundarvíddir ljóss og guðveldis. Og þess vegna megið þig skilja að í andrúmslofti plánetunnar voru til staðar svo grófgerð myrkraöfl og blekkingar að jafnvel slíkur afvegaleiðist og skapar sér karma.

Þess vegna skuluð þið ekki fordæma ykkur sjálf fyrir mistök ykkar heldur lærið af fórnum hans og sigrum hans sem og af mistökum hans og verið þess viss að einnig fyrir uppstiginn meistara eða kosmíska veru er fólgin viss áhætta að bjóða sig fram til að fæðast í efnislíkama. Og margir hafa lent í þessum vandræðum, ástvinir, og hafa þurft að snúa aftur heim hina löngu, erfiðu leið karma jóga uns Saint Germain og Porsja og dögun vatnsberaaldar báru að garði og ívilnun hins fjólubláa loga.

Og þess vegna segi ég ykkur að glíma Herkúlesar við jarðnesk skrímsli verður fyrir ykkur fólgin í særingum með rúbíngeisla heilags anda við hin andstæðu geðheimasviðsöfl. Og þó að það sé mjög erfið andleg iðja sem útheimtir líkamlegt, geðrænt og andlegt amstur, streð og stapp, elskurnar mínar, en þegar þið berið sigur úr býtum finnið þið fyrir friði á hærra og áður óþekktu stigi. Og í hvert sinn sem þið vinnið sigur rís hinn helgi eldur Kúndalíni og þið upplifið nýjan himin; og smám saman blandast sálir ykkar við ljósvakaáttundina þannig að umskiptin sem kallast dauði verða slétt og felld og alls ekkert neitt til að gera veður út af, því að þið munuð þegar hafa búið í þeirri áttund í áratugi á meðan þið eruð enn í efnislíkamanum.

Amasonurnar

Hinn 16. desember 1962 kom Amasonía frá Meginsólinni miklu til að tala um fornar siðmenningar Suður-Ameríku og um risastóran kynstofn stórkostlegra kvenna sem eitt sinn bjuggu þar þegar Amasonía sjálf „birtist í líkamanum á þessari plánetu“. Hins vegar urðu amasonur „spilltir einstaklingar sem notuðu risavaxinn styrk sinn til að heyja eyðileggjandi stríð, jafnvel gegn hinu kyninu og úrkynjuðust í einbera ættbálka."

Amasonía minnti okkur síðan á að margar af þeim skelfilegu sviptingum sem hafa átt sér stað í gegnum söguna til að „vekja athygli ykkar á hættunni sem felst í röngum hugsunum og röngum lifnaðarháttum og hversu viðsjárvert það sé að dæma og beina orku ykkar ranglega“. Hún útskýrði að Stóra hvíta bræðralagið þrái að sjá tímabil friðar og velsældar í Suður-Ameríku, „að sjá gömlu musterin endurreist. En Amasonía varaði við því að „frelsiskraftinum verði að halda í hjarta Ameríku svo að kímfræ ljóssins geti borist þangað á öruggan hátt í einni voldugri sameiningu Ameríku-ríkjanna.

Half Dome, Yosemite þjóðgarðurinn, Kaliforníu

Athvarf

► Aðalgrein: Athvarf Herkúlesar og Amasoníu

Athvarf Herkúlesar og Amasoníu er á ljósvakasviðinu í og uppi ​​yfir Half Dome í Yosemite þjóðgarðinum í Norður-Kaliforníu.

Amasonía hefur einnig móttöku- og sendistöð (beini) í suðurhluta Suður-Ameríku.

Sjá einnig

Elóhím

Þrautir Herkúlesar

Heimildir

Mark L. Prophet and Elizabeth Clare Prophet, The Masters and Their Retreats, sjá “Hercules and Amazonia”.